MNP - မတ် ၃၁
မိတ္ထီလာမြို့နယ် အလည်ရွာကျေးရွာအုပ်စု ရေငံကျေးရွာ(အရှေ့)ရှိ ဓမ္မအလင်းမြတ်ဘုန်းတပ်ကုန်း စာကြည့်တိုက်ဖွင့်ပွဲနှင့် စာအုပ်လှူဒါန်းပွဲကို ယမန်နေ့နံနက် ၈ နာရီအချိန်က အဆိုပါ စာကြည့်တိုက်၌ ကျင်းပကြောင်း သိရသည်။
ရှေးဦးစွာ အဆိုပါစာကြည့်တိုက်ဖွင့်ပွဲတွင် စာကြည့်တိုက်ကော်မတီနာယကဆရာတော် ဘဒ္ဒန္တပဏ္ဍိတာနန္ဒက စာကြည့်တိုက်ဖွင့်လှစ်ရခြင်းအကြောင်းကို ရှင်းလင်းမိန့်ကြားသည်။ ဆက်လက် မြို့နယ်စာရေးဆရာအသင်း အတွင်းရေးမှူး စာရေးဆရာကြည်သိန်းဇော်က စာကြည့်တိုက်ဖွင့်လှစ်ခြင်းအတွက် ဝမ်းသာပီတိ စကားနှင့် စာကြည့်တိုက်ရှင်သန်ရေးအတွက်အကြံပြုစကားပြောကြားပြီး စာကြည့်တိုက်အတွက်စာအုပ် စာစောင်များကိုစာကြည့်တိုက်ကော်မတီဝင်တစ်ဦးထံ သို့ပေးအပ်လှူဒါန်းသည်။
ယင်းနောက် အဆိုပါစာကြည့်တိုက်အတွက် ခရိုင်ကြားရေးနှင့်ပြည်သူ့ဆက်ဆံရေးဦးစီးဌာနက ပေးအပ် လှူဒါန်းသော သုတရသစာအုပ်စာစောင်များကို စာကြည့်တိုက်ကော်မတီဝင်တစ်ဦးထံသို့ ဓါတ်ပုံကျွမ်းကျင်-၂ ဦးချမ်းသာက ပေးအပ်လှူဒါန်းသည်။ ဆက်လက်၍ အဆိုပါစာကြည့်တိုက် ရေရှည်ဖွံ့ဖြိုး ရှင်သန်ရေး အတွက် မြို့နယ်စာရေးဆရာအသင်းမှ စာရေးဆရာမြင့်မားအောင်က အကြံပြုစကားပြောကြားပြီး ကျေးရွာအုပ်ချုပ်ရေးမှူး ဦးဝင်းမောင်က ကျေးဇူးတင်စကားပြောကြားကြောင်း သိရသည်။
သတင်း - ချမ်းသာ
မြန်မာနေရှင်နယ်ပို့စ်
No comments:
Post a Comment