MNP - မတ် ၃၁
လူငယ်များ၏ ကာယဉာဏစွမ်းရည် ဖွံ့ဖြိုးတိုးတက်စေရန်အတွက် နွေရာသီကျောင်းပိတ်ရက်တွင် အလယ်တန်းနှင့် အထက်တန်းကျောင်းသား/ကျောင်းသူများအား ကျောက်တံတားမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်ကြက်ခြေနီတပ်ဖွဲ့တို့ ပူးပေါင်း၍ ရှေးဦးပြုစုခြင်းပညာ အခြေခံအဆင့်သင်တန်းကို မတ်လ(၂၈)ရက်နေ့မှ မတ်လ(၃၀)ရက်နေ့အထိ သင်တန်းသား(၂၀)ဦးဖြင့်ဖွင့်လှစ်ခဲ့ပြီး သင်တန်းတတိယမြောက် ယမန်နေ့နံနက်(၉)နာရီ အချိန်တွင် ဆက်လက်ပို့ချခဲ့ရာ သင်တန်းသား/သင်တန်းသူများအား အရေးပေါ်ရုတ်တရက် ကြုံလာလျင်လူနာကို အသက်ရှူလမ်းကြောင်းဖွင့်ရာတွင် အသက်ရှူအားကူနည်း၊ နှလုံးဖိနှိပ်နှိုးဆွနည်းနှင့် ထမ်းစင်ဖြင့်သယ်ယူနည်းများကို စာတွေ့ပို့ချခြင်း၊ လက်တွေ့ပို့ချခြင်းများ သင်ကြားခဲ့ပါသည်။
ထို့နောက်မွန်းလွဲ(၁)နာရီတွင် သင်တန်းသား/သင်တန်းသူများ၏သင်ယူတတ်မြောက်မှုများကို စာတွေ့နှင့် လက်တွေ့စစ်ဆေးပြီး ထူးချွန်သည့်သင်တန်းသား/သင်တန်းသူများအား ဆု အသီးသီးချီးမြှင့်၍ သင်တန်းဆင်းပွဲကို ညနေ(၄:၃၀)တွင် ရုတ်သိမ်းခဲ့ကြောင်း သိရှိရသည်။
သတင်း - ရွှေဇင်ခိုင်
မြန်မာနေရှင်နယ်ပို့စ်
No comments:
Post a Comment