MNP - မတ် ၂၈
ကရင်ပြည်နယ်၊ ဘားအံခရိုင်၊ ပိုင်ကျုံမြို့၌ ကိုဗစ်-၁၉ရောဂါကြိုတင် ကာကွယ် ထိန်းချုပ်နိုင်စေရန်နှင့် ရောဂါပိုး ကူးစက်ပြန့်ပွားမှုကို လျှော့နည်းစေရန် ရည်ရွယ်၍ ကိုဗစ်-၁၉ ရောဂါကာကွယ်ဆေး ထိုးနှံပေးခြင်းကို အရှိန်အဟုန်မြှင့် ထိုးနှံပေးလျက်ရှိကြောင်းသိရ သည်။
ပိုင်ကျုံမြိုတွင်ကိုဗစ်-၁၉ ရောဂါ ကာကွယ်ဆေးထိုးနှံပေးခြင်းလုပ်ငန်းကို ၂၀၂၁ခုနှစ်၊ သြဂုတ်လ ၄ ရက်နေ့မှ စတင်ထိုးနှံပေးလျက်ရှိရာ ၂၀၂၂ခုနှစ်၊မတ်လ ၂၇ ရက်နေ့အထိ လူဦးရေစုစုပေါင်း (၁၃၆၆၈)ဦးထိုးနှံပေးနိုင်ခဲ့ပြီး အသက်(၁၈)နှစ်ပြည့်ပြီးလူတိုင်း ကာကွယ်ဆေးရာနှုန်းပြည့် ထိုးနှံနိုင်ရေးအတွက် နေ့စဉ်ကျေးရွာများသို့ အရောက် ကွင်းဆင်းထိုးနှံ ပေးလျက်ရှိကြောင်း သိရသည်။
ကာကွယ်ဆေးထိုးနှံခြင်းလုပ်ငန်းကို ပိုင်ကျုံမြို့ ကျေးလက်ကျန်းမာရေးဦးစီးဌာနမှ တာဝန်ရှိသူများနှင့် ဌာနဆိုင်ရာဝန်ထမ်းများတို့ကပူးပေါင်း၍ ပြည်သူများကာကွယ်ဆေးထိုးနှံရာတွင် အဆင်ပြေလွယ်ကူစေရန်အတွက် ဝိုင်းဝန်းကူညီဆောင်ရွက်ပေးလျက်ရှိ ကြောင်းသိရသည်။
သတင်း - နော်ခူး
မြန်မာနေရှင်နယ်ပို့စ်
No comments:
Post a Comment