MNP - မတ် ၃၁
ရှမ်းပြည်နယ်(တောင်ပိုင်း)၊ တောင်ကြီးမြို့နယ်အတွင်းရှိ ကျေးရွာများတွင် နယ်မြေတည်ငြိမ် အေးချမ်းမှုရှိစေရေးနှင့် တရားဉပဒေစိုးမိုးရေးအတွက် မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ် အဆင့် ဌာနဆိုင်ရာများပူးပေါင်း၍ ရပ်ကွက်/ကျေးရွာအုပ်စုများအထိ နယ်မြေကွင်းဆင်းပြီး ပြည်သူ လူထုနှင့် တိုက်ရိုက်ထိတွေ့ကာ ပြည်သူလူထု၏ လိုအပ်ချက်များ၊ ဒေသဖွံ့ဖြိုးရေးလုပ်ငန်းများကို ဖြည့်ဆည်းဆောင်ရွက်ပေးနိုင်ရန် တောင်ကြီးမြို့နယ် ဌာနဆိုင်ရာဝန်ထမ်းများက ဖာမွန်းကျေးရွာ အုပ်စုသို့ ပြည်သူ့အကျိုးပြုလုပ်ငန်းများကို ယမန်နေ့နံနက် ၉ နာရီခွဲက ကွင်းဆင်းဆောင်ရွက်ကြသည်။
ထို့သို့ကွင်းဆင်းဆောင်ရွက်ရာတွင် မြို့နယ်အထွေထွေအုပ်ချူပ်ရေးဦးစီးဌာန၊ မြို့နယ်ပြည်သူ့ ကျန်းမာရေးဦးစီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ စိုက်ပျိုးရေးဦးစီးဌာန၊ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၊ မွေးမြူရေးနှင့်ကုသရေးဦးစီးဌာန၊ ကျေးလက် ဒေသဖွံ့ဖြိုးတိုးတက်ရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြန်မာနိုင်ငံ ရဲတပ်ဖွဲ့၊ ကြက်ခြေနီတပ်ဖွဲ့များက ပြည်သူ့အကျိုးပြုလုပ်ငန်းများကို အသီးသီးဆောင်ရွက်ပေးကြ သည်။
အဆိုပါ နယ်မြေကွင်းဆင်းခြင်းလုပ်ငန်းတွင် အသိပညာပေးဟောပြောခြင်း၊ ကိုဗစ်-၁၉ ရောဂါ ကာကွယ်ဆေးထိုးနှံပေးခြင်း၊ နိုင်ငံသားစိစစ်ရေးကတ်ပြားနှင့် အိမ်ထောင်စုလူဦးရေစာရင်း ဆောင်ရွက်ပေးခြင်း၊ မွေးမြူရေးလုပ်ငန်းဆိုင်ရာ အသိပညာပေးခြင်း၊ စိုက်ပျိုးရေးလုပ်ငန်း ဆိုင်ရာအသိပညာပေးခြင်း၊ အသိပညာပေးလက်ကမ်းစာစောင်များ ဖြန့်ဝေပေးခြင်း စသည့် ပြည်သူ့အကျိုးပြုလုပ်ငန်းများကို ဆောင်ရွက်ပေးခဲ့ကြကြောင်း သိရသည်။
သတင်း - ဇော်နိုင်လင်း
မြန်မာနေရှင်နယ်ပို့စ်
No comments:
Post a Comment