MNP - မတ် ၇
ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်အတွင်းရှိ ကိုယ်ဝန်ဆောင်မိခင်များနှင့် ၎င်းတို့မှ မွေးဖွားလာသော အသက်(၂)နှစ်အောက် ကလေးများအား ၂၀၂၁-၂၀၂၂ ဘဏ္ဍာရေးနှစ် အောက်တိုဘာ၊ နိုဝင်ဘာ၊ ဒီဇင်ဘာလများအတွက် ထောက်ပံ့ငွေ တစ်လလျှင် (၁၅၀၀၀)ကျပ် နှုန်းဖြင့် (၃)လစာ ထောက်ပံ့ငွေများအား လက်ဝယ်အရောက် ပေးအပ်ခြင်းကို ယမန်နေ့က စတင်၍ မြို့နယ်လူမှုဝန်ထမ်းဦးစီးဌာန မြို့နယ်ဦးစီးမှူး ဒေါ်နီနီမြင့်နှင့် ဝန်ထမ်းများ မြို့နယ် အထွေထွေအုပ်ချုပ်ရေးဦးစီးဌာန ဝန်ထမ်းများ၊ ရပ်ကွက်ကျေးရွာ အုပ်ချုပ်ရေးမှူးများ ပူးပေါင်း ဆောင်ရွက်လျက်ရှိကြောင်း သိရသည်။
ဒေးဒရဲမြို့နယ်တွင် ကိုယ်ဝန်ဆောင်မိခင် (၂၉၈၉)ဦး၊ အသက်(၂)နှစ်အောက် ကလေး (၁၉၉၀) ဦး စုစုပေါင်း (၄၉၇၉)ဦးအတွက် ငွေကျပ်(၂၁၉၆)သိန်းအား ထောက်ပံ့ပေးအပ်သွားမည်ဖြစ် ကြောင်း မြို့နယ်လူမှုဝန်ထမ်းဦးစီးဌာနမှ သိရသည်။
သတင်း - အေဇာလင်း
မြန်မာနေရှင်နယ်ပို့စ်
No comments:
Post a Comment