MNP - မတ် ၂၇
“ဝ”ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင်၊ ဟိုပန်မြို့တွင် ပြည်ထဲရေးဝန်ကြီးဌာန၊ ဟိုပန်ခရိုင် အထွေထွေအုပ်ချုပ်ရေးဦးစီးဌာနမှ ယမန်နေ့နံနက် ၈ နာရီအချိန်က ဟိုပန်မြို့၊ ရဌပါလမဟာဗောဓိကျောင်းတိုက်သို့ ဆွမ်းဆန်တော်များ ဆက်ကပ်လှူဒါန်းခဲ့ပါသည်။
ဟိုပန်ခရိုင်အထွေထွေအုပ်ချုပ်ရေးဦးစီးဌာနမှ ခရိုင်အုပ်ချုပ်ရေးမှူး ညွှန်ကြားရေးမှူးဦးကျော်စိုးတင့်၊ မြို့နယ်အုပ်ချုပ်ရေးမှူး ဦးရဲဝင်းထိုက်နှင့် ဝန်ထမ်းများသည် ရဌပါလမဟာဗောဓိကျောင်းတိုက်တွင်သီတင်းသုံးနေထိုင်တော်မူသောရဟန်း(၆)ပါး၊ သာမဏေ (၂၀)ပါးတို့ကို ဆွမ်းဆန်တော်(၈)အိတ် ဆက်ကပ်လှူဒါန်းခဲ့ပြီး ကျန်ရှိသည့်ကျောင်းတိုက်များသို့လည်း လစဉ်ဆက်ကပ်လှူဒါန်း သွားမည်ဖြစ်ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment