MNP - မတ် ၂၈
ကရင်ပြည်နယ်၊ ဘားအံခရိုင်၊ လိပ်သိုမြို့တွင် တက္ကသိုလ်ဝင်တန်းဖြေဆိုမည့် ကျောင်းသား/ ကျောင်းသူများ စိတ်အေးချမ်းစွာ ဖြေဆိုနိုင်ရန်စာစစ်ဌာန မီးဘေးလုံခြုံရေးကို ယမန်နေ့က လိပ်သိုမြို့မီးသတ်ဦးစီးဌာန တာဝန်ရှိသူများက ကွင်းဆင်းစစ်ဆေးဆောင်ရွက်ခဲ့ ကြောင်း သိရသည်။
ထိုသို့စစ်ဆေးဆောင်ရွက်ရာတွင် မီးသတ်ဆေးဗူးများ ကောင်းမွန်စွာအသုံးပြုနိုင်ရေး ၊ မီးချိတ်၊ မီးကတ်၊ သဲပုံးရေပုံးများ ပြည့်စုံစွာထားရှိရေး၊ ရေရရှိရေးတို့ကို စစ်ဆေးပြီး၊ မီးဘေး အန္တရာယ်ကင်းဝေးစေရန် ဟောင်းနွမ်းဆွေးမြေ့နေသော လျှပ်စစ်ဝါယာကြိုးများ အသုံးမပြုဘဲ လုံခြုံစိတ်ချရသော ဝါယာကြိုးများ အသုံးပြုရန်၊ မီးလောင်လွယ်သော အမှိုက်သရိုက် များနှင့် ပစ္စည်းများ ရှင်းလင်းထားရှိရန်နှင့် မီးဘေးကြိုတင်ကာကွယ်ရေးဆိုင်ရာ အကြံပြု ခြင်းများကို ဆောင်ရွက်ပေးခဲ့ကြောင်း သိရသည်။
သတင်း - နီလာအေး
မြန်မာနေရှင်နယ်ပို့စ်
No comments:
Post a Comment