MNP - မတ် ၄
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ကျီးသဲအုပ်စု၊ ညောင်လှကျေးရွာတွင် ယမန်နေ့နံနက်ပိုင်းက လေပြင်းကာကွယ်ရေးလုပ်ငန်းများအား ပြည်သူများနှင့် ပူးပေါင်းဆောင်ရွက်ခဲ့ကြောင်း သိရသည်။
အဆိုပါလုပ်ငန်းများဆောင်ရွက်ရာတွင် ကျီးသဲကျေးရွာအုပ်စု၊ ညောင်လှကျေးရွာရှိ အိမ်ခြေ(၅၀) အားတစ်အိမ်ထောင်လျှင် ဝါးထရံ(၄)ချပ်၊ ဝါးအလုံး (၂၀) လုံး၊ သွပ်နန်း ကြိုးခွေတစ်ခွေ တန်ဖိုးငွေကျပ် သုံးသောင်းနှုန်းဖြင့် အိမ်ခြေ (၅၀) အိမ်ခြေအတွက် စုစုပေါင်းငွေကျပ် (၁၅၀၀၀၀၀) ကျပ် အကုန်ကြခံ၍ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန လက်ထောက်ညွှန်ကြားရေးမှူး ဒေါ်တင်တင်ချိုနှင့် အဖွဲ့ဝင်များ၊ မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်ပညာရေး၊ မြို့နယ်လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ မြို့နယ်လျှပ်စစ်၊ မြို့နယ်ကြက်ခြေနီ၊ ကျေးရွာမီးသတ်တပ်ဖွဲ့ဝင်များနှင့် ဒေသခံပြည်သူများပူးပေါင်းကာ ဝိုင်းဝန်းဆောင်ရွက်ခဲ့ကြကြောင်း သိရသည်။
သတင်း - ကိုကိုမင်း
မြန်မာနေရှင်နယ်ပို့စ်
No comments:
Post a Comment