MNP - မတ် ၉
ရခိုင်ပြည်နယ်၊ မောင်တောခရိုင်၊ ဘူးသီးတောင်မြို့နယ်အတွင်းရှိ အခြေခံပညာအထက်တန်း ကျောင်းများတွင် ၂၀၂၂ ခုနှစ်၊ တက္ကသိုလ်ဝင်တန်းအကြို စာမေးပွဲဖြေဆိုနေမှုကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျန်အေးနှင့်အဖွဲ့ဝင်များ၊ ဌာနဆိုင်ရာအကြီးအကဲများက ယမန်နေ့နံနက် ၉ နာရီခွဲအချိန်က သွားရောက်ကြည့်ရှုခဲ့ကြောင်း သိရသည်။
မြို့နယ်စီမံအုပ်ချုပ်ရေးမှူးနှင့်အဖွဲ့ဝင်များ၊ ဌာနဆိုင်ရာအကြီးအကဲများသည် အလက ခွဲ(၃) ကျောင်း၊ အထက(၁)၊ အထက (၂) စာသင်ကျောင်းတို့၌ ကျောင်းသား/ကျောင်းသူများ ကိုဗစ်- ၁၉ ရောဂါ ကြိုတင်ကာကွယ်ရေး စည်းကမ်းချက်များနှင့်အညီ တက္ကသိုလ်ဝင်တန်းအကြို စာမေးပွဲဖြေဆိုနေမှုအား လိုက်လံကြည့်ရှုခဲ့ပြီး လိုအပ်သည်များကို တာဝန်ရှိသူများအား မှာကြားခဲ့ကြောင်း သိရသည်။
ဘူးသီးတောင်မြို့နယ်တွင် အခြေခံပညာအထက်တန်းကျောင်း (၆) ကျောင်းနှင့် အထက်တန်း ကျောင်း-ခွဲ(၇) ကျောင်းတို့မှ ပညာသင်ကြားနေသော တက္ကသိုလ်ဝင်တန်းဖြေဆိုမည့် ကျောင်းသား /ကျောင်းသူ( ၂၁၃၉) ဦးရှိကြောင်း မြို့နယ်ပညာရေးမှူးရုံးမှ သိရသည်။
သတင်း - လှကျော်
မြန်မာနေရှင်နယ်ပို့စ်
No comments:
Post a Comment