MNP - မတ် ၂၈
မန္တလေးတိုင်းဒေသကြီး ၊ ကျောက်ဆည်မြို့နယ်တွင် ခရိုင်အသေးစားစက်မှုလက်မှုလုပ်ငန်းဦးစီးဌာန ရုံးအစည်းအဝေးခန်းမတွင် ယမန်နေ့နံနက်ပိုင်းက မန္တလေးတိုင်းဒေသကြီး အသေးစားစက်မှုလက်မှု လုပ်ငန်းဦးစီးဌာနအစီအစဉ်ဖြင့် လူသုံးကုန်ထုတ်လုပ်နည်း သင်တန်းဖွင့်လှစ်ခဲ့ကြောင်း သိရသည်။
အဆိုပါ သင်တန်းဖွင့်လှစ်ပေးခြင်းဖြင့် သင်တန်းသား/သင်တန်းသူများအနေဖြင့် မိသားစုတနိုင်တစ်ပိုင် အိုးမကွာ၊ အိမ်မကွာ မိသားစုဝင်ငွေရလုပ်ငန်းများ လုပ်ကိုင်နိုင်မည့်အပြင် အရည်အသွေးမြင့် ပြည်တွင်းထုတ်ကုန်များ ထုတ်လုပ်နိုင်သဖြင့် ပြည်ပသွင်းကုန်လုပ်ငန်း လျော့ချနိုင်မည်ဖြစ်ကြောင်း သိရပြီး သင်တန်းတွင် ရပ်ကွက်/ကျေးရွာများမှ သင်တန်းသား/သင်တန်းသူ(၂၀)ဦး တက်ရောက်ခဲ့ပြီး လက်ဆေးဆပ်ပြာဆီ ၊ ကိုယ်တိုက်ဆပ်ပြာရည် ၊ အဝတ်လျှော်ဆပ်ပြာရည် ၊ မျက်နာသစ်ဆပ်ပြာခဲ ၊ လက်ဖက်စိမ်းခေါင်းလျှော်ရည် ၊ ပိုးသးတ်ဆေးရည်ပြုလုပ်နည်းများကို (၅) ရက်ကြာ လက်တွေ့သင်ကြားပေးသွားမည်ဖြစ်ကြောင်း သိရသည်။
အသေးစားစက်မှုလက်မှုလုပ်ငန်းဦးစီးဌာနအနေဖြင့် စက်မှုလက်မှုလုပ်ငန်းများအား ဥပဒေနှင့်အညီ စနစ်တကျ မှတ်ပုံတင်ပေးခြင်း ၊စက်မှုလက်မှုဆိုင်ရာ အသေးစားအသက်မွေးဝမ်းကြောင်း ပညာများသင်ကြားပေးခြင်း၊ အသေးစားစက်မှုလက်မှု ထုတ်ကုန်များ အရည်အသွေး မှန်ကန်စွာဖြင့် ဘေးအန္တရာယ်ကင်းရှင်းမှုရှိစေရန် ဓာတ်ခွဲပေးခြင်းလုပ်ငန်းများ ဆောင်ရွက်ပေးလျက်ရှိကြောင်း သိရသည်။
သတင်း - သက်မောင်
မြန်မာနေရှင်နယ်ပိုစ့်
No comments:
Post a Comment