MNP - မတ် ၂၈
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ် ကျေးလက်ဒေသဖွံ့ဖြိုး တိုးတက်ရေးဦးစီးဌာနမှ ၂၀၂၁-၂၀၂၂ (၆)လ ဘတ်ဂျက်ဘဏ္ဍာရေးနှစ် တွင် ငွေလုံးငွေရင်းမူလရန်ပုံငွေဖြင့်ဆောင်ရွက်ခဲ့သော စကားပင်ကျေးရွာကုန်ထုတ်လမ်း မြေသား တင်ဂျင်းခင်းခြင်း လုပ်ငန်းမှာ ရာနှုန်းပြည့် ပြီးစီးပြီဖြစ်ကြောင်းသိရသည်။
အဆိုပါ စကားပင်ကျေးရွာကုန်ထုတ်လမ်း မြေသားတင်ဂျင်းခင်းခြင်းလုပ်ငန်း ရာနှုန်းပြည့်ပြီးစီးမှုအား မတ္တရာမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယဦးစီးမှူး ဦးအောင်ဗိုလ်ဗိုလ် (လက်ထောက်ညွှန်ကြားရေးမှူး-နည်းပညာ)နှင့် ဝန်ထမ်းများမှ တာဝန်ယူဆောင်ရွက်သည့် ကုမ္ပဏီမှ တာဝန်ရှိသူများနှင့်အတူ ကွင်းဆေးစစ်ဆေးခဲ့ပြီး လိုအပ်ချက်များကို ဆောင်ရွက်နိုင်ရေး ညှိနှိုင်းဆွေးနွေးပြောကြားခဲ့သည်။
စကားပင်ကျေးရွာကုန်ထုတ်လမ်း အကျယ်၁၂ပေ၊ အရှည်(၁)မိုင်အား မြေသားတင် ဂျင်းခင်းခြင်း လုပ်ငန်းကို ရွှေယောမြေကုမ္ပဏီမှ ငွေလုံးငွေရင်း မူလရန်ပုံငွေ (၆၆.၁၆၀) သန်းဖြင့် တာဝန်ယူ ဆောင်ရွက်ခဲ့ခြင်းဖြစ်ပြီး ဒေသခံတောင်သူ ၂၅၀ ဦး၏ စိုက်ပျိုးဧက (၁၀၀၀)ဧက အတွက် အကျိုးဖြစ်ထွန်းမည်ဖြစ်ကြောင်းသိရသည်။
သတင်း - စိုးကျော်သူထွေး
မြန်မာနေရှင်နယ်ပို့စ်
No comments:
Post a Comment