MNP - မတ် ၃
ရန်ကုန်အနောက်ပိုင်းခရိုင်၊ မရမ်းကုန်းမြို့နယ်၊ အမှတ်(၃)ရပ်ကွက် ရှေးဟောင်းသမိုင်းဝင် အပရာဇိတဆံတော်ရှင် ကျိုက်ဝိုင်းစေတီတော်မြတ်ကြီး၏ (၁၅၉)ကြိမ်မြောက်ဗုဒ္ဓပူဇနိယပွဲတော် ဆွမ်းဆန်စိမ်းလောင်းလှူပွဲအခမ်းအနားကို ယမန်နေ့ညနေ ၄:၀၀နာရီ အချိန်က စေတီတော်မြတ်ကြီး၏ရင်ပြင်တော်၌ ကျင်းပပြုလုပ်ခဲ့သည်။
အဆိုပါ ဆွမ်းဆန်စိမ်းလောင်းလှူပွဲသို့ မြို့နယ်အထွေထွေအုပ်ချုပ်ရေးဦးစီးဌာနနှင့် ဌာန ဆိုင်ရာများ၊ မြို့နယ်ကြက်ခြေနီအသင်း၊ မြို့နယ်စာရေးဆရာအသင်း၊ မြို့နယ်ဂီတ အစည်းအရုံးနှင့် စေတနာရှင် ပြည်သူများက ဆွမ်းဆန်စိမ်းအပါအဝင် လှူဖွယ်ဝတ္ထု ပစ္စည်း များအား ကုသိုလ်ယူလောင်းလှူခဲ့ရာ သံဃာတော် စုစုပေါင်း(၂၃၅)ပါးအား လောင်းလှူပူဇော်ခဲ့ကြကြောင်း သိရသည်။
သတင်း - အေးအေးအောင်
မြန်မာနေရှင်နယ်ပို့စ်
No comments:
Post a Comment