MNP - မတ် ၂၉
ပို့ဆောင်ရေးနှင့် ဆက်သွယ်ရေးဝန်ကြီးဌာန မြန်မာ့မီးရထား၏ ပြည်-အောင်လံ-ဆတ်သွား ရထားလမ်းစီမံကိန်းတွင် မကွေးတိုင်းဒေသကြီး တောင်တွင်းကြီးမြို့နယ် လက်တက်အုပ်စု၊ ပရပ်ကြယ်အုပ်စု၊ ကြံစုအုပ်စု၊ သီရိမင်္ဂလာအုပ်စု၊ ဝက္ကသေးအုပ်စုတို့မှ သိမ်းဆည်းလယ်ယာမြေ များအတွက် လျော်ကြေးငွေ(၃၉၄၈.၅)သိန်း ပေးအပ်ပွဲကို ယမန်နေ့နံနက်(၁၀)နာရီက မြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပသည်။
လျော်ကြေးငွေပေးအပ်ပွဲတွင် မြို့နယ်စီမံအုပ်ချုပ်ရေးအဖွဲ့၊ အဖွဲ့ဝင်(၁)ဗိုလ်မှူးသက်ခိုင်ထွန်းက အဖွင့်အမှာစကား ပြောကြားခဲ့ပြီး မြန်မာ့မီးရထား တိုင်း(၁၁) ပုဂံ အင်ဂျင်နီယာမှူး ဦးတင်ထွဋ် က လျော်ကြေးငွေပေးရသည့် အကြောင်းအရင်းများအား ရှင်းလင်းပြောကြားခဲ့သည်။
ဆက်လက်၍ တာဝန်ရှိသူများက တောင်သူများလက်ဝယ်သို့ (Check) လက်မှတ်များ ပေးအပ်ခဲ့ပြီး တောင်သူ (၁) ဦးက ကျေးဇူးတင်စကား ပြန်လည်ပြောကြားခဲ့သည်။
ပြည်-အောင်လံ-ဆတ်သွား ရထားလမ်းစီမံကိန်းတွင် တောင်တွင်းကြီးမြို့နယ် လက်တက်အုပ်စု၊ ပရပ်ကြယ်အုပ်စု၊ ကြံစုအုပ်စု၊ သီရိမင်္ဂလာအုပ်စု၊ ဝက္ကသေးအုပ်စုတို့မှ တောင်သူ(၂၆၈)ဦး၏ လယ်ယာမြေဧကပေါင်း (၁၅၇.၉၄) ဧကအတွက် တစ်ဧကလျှင်(၂၅)သိန်းဖြင့် (၃၉၄၈.၅) သိန်း အား တောင်သူများ လက်ဝယ်အရောက် ချက်လက်မှတ်များဖြင့် ပေးအပ်ခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment