MNP ၊ မတ် ၂၈
ကျိုက်ထို မြို့နယ်ကျန်းမာရေးဦးစီးဌာနသည် မြို့နယ်အတွင်းရှိ အခြေခံပညာကျောင်းများမှ ဆရာ၊ဆရာမများအား ကျောင်းကျန်းမာရေးပညာပေးခြင်းဆိုင်ရာ အဆင့်မြှင့် သင်တန်း ဖွင့်ပွဲ အခမ်းအနားကို မတ်(၂၈)ရက် နံနက် ၉ နာရီက မြို့နယ်ပြည်သူ့ဆေးရုံ ဧည့်ခန်းမ၌ ကျင်းပပြုလုပ်ခဲ့သည်။
ဖွင့်ပွဲအခမ်းအနားတွင် မြို့နယ် ဆရာဝန်ကြီး ဒေါက်တာခွန်မောင်အိုးက ဆရာ၊ဆရာမများအနေဖြင့် ယခု သင်တန်းတွင် ကျန်းမာရေးအသိပညာပေးခြင်းနှင့်ပတ်သက်သည့် ခေါင်းစဉ်များကို သင်ကြားပို့ချပေးသွားမှာဖြစ်သည့် အတွက် ကျောင်း သား/သူများအတွက်သာမက မိမိအတွက်ပါကျန်းမာရေးဗဟုသုတများရရှိနိုင်မည်ဖြစ်၍ ဂရုတစိုက်လေ့လာမှတ်သားကြရန်ဆွေးနွေးပြောကြားခဲ့သည်။
ဆက်လက်၍ မြို့နယ် ပညာရေးမှူး ဒေါ်သီသီဝင်းက သင်တန်းသား၊သင်တန်း သူများအနေဖြင့် ကျန်းမာရေးဌာနမှ ပို့ချသည့် သင်တန်းကိုလေ့လာမှတ်သားပြီး ကျောင်းသား ကျောင်းသူများကို အသိ ပညာပေးဖို့လိုကြောင်းပြောကြားခဲ့သည်။
အဆိုပါ ကျောင်းကျန်းမာရေးဆိုင်ရာ အဆင့်မြှင့်သင်တန်းကို ကျိုက်ထိုမြို့နယ်အတွင်းရှိ အခြေခံပညာကျောင်းပေါင်း (၄၇)ကျောင်းမှ တာဝန်ခံ ဆရာ၊ ဆရာမ (၉၄ ) ဦး တက်ရောက်ကြပြီး မြို့နယ်ကျန်းမာရေးဦးစီးဌာနမှ သင်တန်းနည်းပြ (၁၀) ဦးတို့က ကျောင်းကျန်းမာရေးဆိုင်ရာ အသိပညာပေး ခေါင်းစဉ် (၁၁) ခုကို( ၃) ရက်ကြာ သင်ကြားပို့ချပေးသွားမည်ဖြစ်ကြောင်း ကျန်းမာရေးဦးစီးဌာန မှသိရသည်။
သတင်း - ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment