MNP - မတ် ၂၈
မွန်ပြည်နယ်၊ သထုံခရိုင်၊ ပေါင်မြို့နယ်တွင် ကြက်ခြေနီအသင်းခွဲမှ ရှေးဦးပြုစုခြင်း(အခြေခံ)သင်တန်း ဖွင့်ပွဲကို ယနေ့နံနက်ပိုင်းက မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာန လူထုအခြေပြု ဗဟိုဌာန(Community Centre)ခန်းမ၌ ကျင်းပပြုလုပ်သည်။
အခမ်းအနားတွင် ပေါင်မြို့နယ် ကြက်ခြေနီအသင်းခွဲဥက္ကဋ္ဌ ဦးအောင်မင်းနိုင်က အဖွင့်အမှာစကား ပြောကြားပြီး ပေါင်မြို့နယ် ကြက်ခြေနီတပ်ဖွဲ့မှူး ဦးဟန်လင်းကျော် က ကြက်ခြေနီအသင်း ဖြစ်ပေါ်လာပုံနှင့်သင်တန်းဖွင့်လှစ်ရခြင်း၏ ရည်ရွယ်ချက်ကို ရှင်းလင်းပြောကြားခဲ့သည်။
ထို့နောက် ပြန်ကြားရေးနှင့်ပြည်သူ့ဆက်ဆံရေး ဦးစီးအရာရှိ ဒေါ်တင်ဇာစိုး က အခြေခံကြက်ခြေနီ သင်တန်းရှေးဦးပြုစုခြင်း ဖွင့်လှစ်ပေးသည့်အတွက် သင်တန်းသား/သူများ ကိုယ်စားကျေးဇူးတင်စကား ပြန်လည်ပြောကြားခဲ့သည်။
အဆိုပါ ရှေးဦးသူနာပြုစုခြင်း သင်တန်းသို့ ကျောင်းသား/သူ (၃၀)ဦး တက်ရောက်ကြပြီး မြို့နယ် ကြက်ခြေနီအသင်းခွဲမှ နည်းပြ(၅)ဦးတို့က စာတွေ့၊လက်တွေ့ဖြင့် (၃)ရက်ကြာ သင်တန်းပို့ချ သွားမည်ဖြစ်ကြောင်း သိရသည်။
သတင်း - တင်ဇာစိုး
မြန်မာနေရှင်နယ်ပို့စ်
No comments:
Post a Comment