MNP - မတ် ၂
စစ်ကိုင်းတိုင်းဒေသကြီး၊ ကလေးခရိုင်၊ မင်းကင်းမြို့ စိုက်ပျိုးရေးဦးစီးဌာနရုံးခန်းမ၌ တောင်သူလယ်သမားနေ့အထိမ်းအမှတ် ဟင်းသီးဟင်းရွက် သစ်သီးဝလံနှင့် ဇီဝပိုးသတ်ဆေးပြပွဲ အခမ်းအနားကို ယနေ့ နံနက် (၁၀)နာရီအချိန်တွင် ကျင်းပပြုလုပ်ခဲ့သည်။
ဆက်လက်၍မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးရန်နိုင်ထွန်းက အဖွင့်အမှာစကားပြောကြားကာ မြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဒေါ်ခင်မို့မို့က တက်ရောက်လာကြသော တောင်သူလယ်သမားများအား ထရိုင်ခိုဒါးမားမြေနေမှို၏ ကာကွယ်နှိမ်နှင်းသော ရောဂါများကိုတိုက်ခိုက်ပုံ၊ အသုံးပြုပုံ ပက်ဖျန်းရာတွင် အသုံးပြုခြင်းနှင့် ကမ္ဘာပေါ်ရှိ လူသားအားလုံး၏ အစာအဟာရ ဝင်ငွေရရှိမည့် နည်းလမ်းများ မိမိပတ်ဝန်းကျင် သန့်ရှင်းရေး၊ လေကောင်းလေသန့် ရရှိသည့်နည်းလမ်းများပါရှိသော အသိပညာပေးများကို ဗီဒီယိုဆလိုက်ဖြင့် အသေးစိတ်ရှင်းပြကာ ဖိတ်ကြားထားသော ဌာနဆိုင်ရာ အကြီးအကဲများနှင့် တောင်သူလယ်သမားများအား ခင်းကျင်းပြသထားသော ဟင်းသီးဟင်းရွက် သစ်သီဝလံနှင့် ဇီဝပိုးသတ်ဆေးများကို မြို့နယ်စိုက်ပျိုးရေးဦးစီးမှူးမှ လိုက်လံရှင်းလင်းပြောကြား ပေးခဲ့ကြောင်း သိရှိရသည်။
သတင်း - လှငွေ
မြန်မာနေရှင်နယ်ပို့စ်
No comments:
Post a Comment