MNP - မတ် ၂၈
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် ၂၀၂၁-၂၀၂၂ ပညာသင်နှစ် တက္ကသိုလ်တန်း ဖြေဆိုမည့် အကျောင်းသား၊ ကျောင်းသူများအတွက် စားသောက်ဖွယ် ရာများ ထောက်ပံ့ပေးခြင်း ယမန်နေ့နံနက်၉ နာရီအချိန်က အခြေခံပညာအထက်တန်းကျောင်းများသို့ သွားရောက် ထောက်ပံ့ပေးအပ်ခဲ့ကြသည်။
ထိုသို့လှူဒါန်းရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမြင့်ထွန်း၊ မြို့နယ်စီမံအုပ်ချုပ်ရေး အဖွဲ့ အဖွဲ့ဝင် ဦးခွန်ကောင်းချစ်ထွန်း၊ မြို့နယ် စီမံအုပ်ချုပ်ရေးအဖွဲ့ အဖွဲ့ဝင်ဗိုလ်မှူး လင်းကျောင်ခိုင်၊ မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ် အုပ်ချုပ်ရေးမှူး ဦးဆန်းထွန်းတို့က ဟိုပုံး မြို့နယ်အတွင်းရှိ ၂၀၂၁-၂၀၂၂ ပညာသင်နှစ် တက္ကသိုလ်ဝင် တန်းဖြေဆိုမည့် အခြေခံပညာ အထက်တန်းကျောင်းများမှ ကျောင်းသား၊ ကျောင်းသူများအတွက် ကြက်ဥ၊ သီးစုံဓာတ်ဆား၊ မာမီး ခေါက်ဆွဲနှင့် Calsome ထုပ်များ သွားရောက်ထောက်ပံ့ပေးအပ်ခဲ့ကြကြောင်းသိရသည်။
မြန်မာနေရှင်နယ်ပို့စ်
No comments:
Post a Comment