MNP - မတ် ၃
ကယားပြည်နယ်၊ ဘောလခဲခရိုင်၊ မယ်စဲ့မြို့နယ်တွင် အသက် ၁၈ နှစ်အထက် ဒေသခံပြည်သူများအား ကိုဗစ်-၁၉ ရောဂါ ကာကွယ်ဆေး ရာနှုန်းပြည့်ထိုးနှံနိုင်ရေး ညှိနှိုင်းအစည်းအဝေးကို ယနေ့နံနက် ၁၀ နာရီက မြို့နယ်စီမံအုပ်ချုပ်ရေးအဖွဲ့ ရုံးခန်းမ၌ ကျင်းပသည်။
ရှေးဦးစွာ မြို့နယ်ကိုဗစ်-၁၉ ရောဂါ ကာကွယ်ထိန်းချုပ်ရေးနှင့်အရေးပေါ်တုံ့ပြန်ရေးကော်မတီဥက္ကဌ ဦးအောင်ကျော်သန်းက မြို့နယ်အတွင်းရှိ ဦးတည်အုပ်စုများအလိုက် ရည်မှန်းဦးရေများကို ကိုဗစ်-၁၉ ကာကွယ်ဆေး ထိုးနှံပေးနိုင်ခဲ့ကြောင်း၊ ကျန်ရှိသူများကိုလည်း အပြည့်အဝထိုးနှံနိုင်ရေး စီစဉ်ဆောင်ရွက်လျက်ရှိကြောင်း၊ မြေပြင်တွင် အမှန်ထိုးနှံနိုင်ရေးအတွက် သက်ဆိုင်ရာ တာဝန်ရှိသူများက စိစစ်ဆာင်ရွက်စေလိုကြောင်းနှင့် မြို့နယ်အတွင်း ကာကွယ်ဆေးထိုးနှံမှု လွှမ်းခြုံနိုင်ရေးအတွက် ကော်မတီဝင်များက အကြံပြုဆွေးနွေးစေလိုကြောင်း ပြောကြားသည်။
ထို့နောက် ကျန်းမာရေးဆရာမဒေါ်ချိုမာက ရပ်ကွက်/ကျေးရွာများရှိ ကိုဗစ်ကာကွယ်ဆေး ထိုးနှံရန် မသင့်သူများ၊ အချို့ ကျေးရွာများမှ ဒေသ၏ဓလေ့ထုံးစံအရ ကာကွယ်ဆေးထိုးရန် ငြင်းဆန်သူများမှအပ ကျန်ရှိသည့် အသက် ၁၈ နှစ်အထက် ပြည်သူ များကို ကာကွဘ်ဆေးထိုးနှံရန် လိုအပ်ကြောင်း ဆွေးနွေးရာ တက်ရောက်လာသည့် ကော်မတီဝင်များက ဖြည့်စွက်ဆွေးနွေး ခဲ့ကြောင်း သိရသည်။
သတင်း - ဝတ်ရည်
မြန်မာနေရှင်နယ်ပို့စ်
No comments:
Post a Comment