MNP – မတ် ၇
မကွေးတိုင်းဒေသကြီး၊ ပွင့်ဖြူမြို့နယ်၊ ကန်ပြည့်ကျေးရွာတွင် ယမန်နေ့ ညနေ ၄ နာရီ ၄၀ မိနစ် အချိန်ခန့်က ထမင်းချက်ပြုတ်ရာမှ တစ်ဆင့် လူနေအိမ်တစ်လုံး မီးလောင်ကျွမ်းမှုဖြစ်ပွားခဲ့ကြောင်း သိရသည်။
ဖြစ်စဉ်မှာ ပွင့်ဖြူမြို့နယ် ကန်ပြည့်ကျေးရွာ၌ နေအိမ်တစ်လုံးတွင် ထင်းမီးဖြင့်ချက်ပြုတ်နေစဉ် အနီးရှိဝါးထရံအား မီးကူးစက် လောင်ကျွမ်းခဲ့ခြင်းဖြစ်ပြီး မီးလောင်မှုဖြစ်ပွားရာသို့ ပွင့်ဖြူမြို့နယ်မီးသတ်ဦးစီးဌာနမှ တာဝန်ခံမီးသတ်ဦးစီးမှူး ဦးဟန်ဇာကျော် ဦးဆောင်သော သန္ဓေ၊ အရန်မီးသတ်တပ်ဖွဲ့ဝင်များက မီးငြှိမ်းသတ်ယာဉ်တစ်စီး၊ ရေသယ်ယာဉ်တစ်စီးတို့ဖြင့် သွားရောက်၍ ကျေးရွာနေပြည်သူများနှင့် ပူးပေါင်းငြှိမ်းသတ်ခဲ့ကြောင်း၊ အဆိုပါမီးလောင်မှုကြောင့် သက်ကယ်မိုး၊ ထရံကာ၊ ဝါးကြမ်းခင်း လူနေအိမ်တစ်လုံး မီးလောင်ပျက်စီးဆုံးရှုံးခဲ့ပြီး လူနှင့် တိရစ္ဆာန်များ ထိခိုက်မှု မရှိခဲ့ကြောင်းနှင့် မီးလောင်မှုနှင့် ပတ်သက်၍ ကုန်ဇောင်းနယ်မြေရဲစခန်းက အမှုဖွင့်အရေးယူ ဆောင်ရွက်လျက်ရှိကြောင်း သိရသည်။
သတင်း – ရဲဝင်းနိုင်
မြန်မာနေရှင်နယ်ပို့စ်
No comments:
Post a Comment