MNP - မတ် ၅
ကျေးလက်နေ ပြည်သူများ လယ်ယာဖွံ့ဖြိုးတိုးတက်ရေးအတွက် အရည်အသွေး ပြည့်မီသည့် သီးနှံများ စိုက်ပျိုးနိုင်ရန်အတွက် မွန်ပြည်နယ်၊ ချောင်းဆုံမြို့နယ် ကညှော်ကျေးရွာခန်းမတွင် ယမန်နေ့ နံနက်(၉:၃၀) နာရီအချိန်ကကျင်းပသည်။
ဆွေးနွေးပွဲတွင် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမြတ်ယုက အဖွင့်အမှာစကား ပြောကြားပြီး စိုက်ပျိုးရေးဦးစီးဌာန ခရိုင်ဦးစီးမှူး ဦးသိန်းအောင်သန်းနှင့် ရွှေဇီဝမြေဩဇာမှ ပါမောက္ခ ဒေါက်တာ ခင်ဆွေအေးတို့မှ စိုက်ပျိုးရေးနည်းစနစ်များ၊ သဘာဝဇီဝမြေဩဇာ သုံးစွဲမှုနည်းနှင့် ပတ်သက်၍ ရှင်းလင်းပြောကြားသည်။ ထို့နောက်မွေးမြူရေးနှင့် ကုသရေးဦးစီးဌာန ခရိုင်ဦးစီးမှူးက မွေးမြူရေးနှင့်ပတ်သက်ပြီး ပြည်သူများ သိသင့်သိထိုက်သည့် အချက်များအား ရှင်းလင်း ပြောကြားသည်။
ဆက်လက်၍ ဆွေးနွေးပွဲသို့ တက်ရောက်လာကြသည့် တောင်သူ ဦးသစ်ကျော်က သိရှိလိုသည်များကို မေးမြန်းရာ သက်ဆိုင်ရာ ဌာနဆိုင်ရာအကြီးအကဲများက ပြန်လည်ရှင်းလင်းဆွေးနွေးခဲ့ကြသည်။ ယင်းနောက် တာဝန်ရှိသူများက ရွှေဇီဝမြေဩဇာများနှင့် ပိုးသတ်ဆေး၊ ပေါင်းသတ်ဆေးများကို အခမဲ့ ပေးအပ်ခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment