MNP - မတ် ၂၄
ပဲခူးတိုင်းဒေသကြီး၊ ပဲခူးခရိုင်၊ ရွှေကျင်မြို့နယ်တွင် နှစ်စဉ်ကျင်းပမြဲဖြစ်သော မဟာသင်္ကြန်ပွဲတော် ကျင်းပနိုင်ရေး ညှိနှိုင်းအစည်းအဝေးကို မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ယနေ့နံနက် ၁၀ နာရီအချိန် က ကျင်းပသည်။
အစည်းအဝေးတွင် မဟာသင်္ကြန်ပွဲတော် စည်ကားစွာကျင်းပနိုင်ရေးအတွက် ညဈေးလမ်းတွင် ရေကစားမဏ္ဍာပ်ထိုး၍ အကြိုနေ့တွင် ဖွင့်ပွဲကျင်းပကာ နေ့စဉ်ယိမ်းအဖွဲ့များ၊ သံချပ်အဖွဲ့များဖြင့် ယှဉ်ပြိုင်ကြမည်ဖြစ်ပြီး မဟာသင်္ကြန်အတက်နေ့ ညတွင် ဆုပေးပွဲကျင်းပမည် ဖြစ်သည်။ မြန်မာ့နှစ်ဆန်း(၁) ရက်နေ့ နံနက်ပိုင်းတွင် မြို့နယ်စည်ပင်ခန်းမ၌ သက်ကြီးပူဇော်ပွဲကို ကျင်းပသွားမှာဖြစ်ပြီး ညနေပိုင်းတွင် ရပ်ကွက်အသီးသီးမှ နှစ်ကျိပ်ရှစ်ဆူ ဘုရားများအား မြို့တွင်းသို့အပူဇော်ခံ လှည့်လည်ကာ ဆုပေးပွဲကို ဆက်လက်ကျင်းပသွားမည်ဖြစ်ကြောင်း သိရသည်။
သတင်း - ထွန်းထွန်းဇော်
မြန်မာနေရှင်နယ်ပို့စ်
No comments:
Post a Comment