MNP - မတ် ၃
မန္တလေးတိုင်းဒေသကြီး၊ ကျောက်ဆည်ခရိုင်၊ စဉ့်ကိုင်မြို့နယ် အုန်းပင်ခြံကျေးရွာရှိ ပညာဓိကာရုံ ပရိယတ္တိ စာသင်တိုက်၊ ပဓာနနာယကဆရာတော် မဟာဂန္တဝါစကပဏ္ဍိတ ဘဒ္ဒန္တကောဝိဒ၏ ဦးဆောင်လမ်းညွှန်မှုဖြင့် (၁၅) ကြိမ်မြောက် " ပရိယတ္တိဓမ္မာနုဂ္ဂဟ " စာမေးပွဲကို ယနေ့မွန်းလွဲ (၁)နာရီက အဆိုပါကျောင်းတိုက်တွင် ဒုတိယနေ့ ဆက်လက်ကျင်းပခဲ့ကြောင်း သိရသည်။
အဆိုပါ " ပရိယတ္တိဓမ္မာနုဂ္ဂဟ" စာမေးပွဲကို ပညာဓိကာရုံ၊ ပရိယတ္တိစာသင်တိုက် ပဓာနနာယက ဆရာတော် မဟာဂန္တဝါစကပဏ္ဍိတ ဘဒ္ဒန္တကောဝိဒနှင့် ဂဏဝါစကအဖွဲ့တို့က ကြီးမှူးကျင်းပခဲ့၍ စာမေးပွဲကို ပထမကြီးတန်၊ ပထမလတ်တန်း၊ ပထမငယ်တန်း၊ မူလတန်း၊ မူကြိုတန်း၊ စာစတန်း များတွင် စာဖြေသံဃာ စုစုပေါင်း (၄၀) ပါး ဖြေဆိုခဲ့ကြသည်။
" ပရိယတ္တိဓမ္မာနုဂ္ဂဟ " စာမေးပွဲကို ၁၃၈၃-ခု၊ တပေါင်းလဆန်း (၁) ရက်နေ့မှ (၇) ရက်နေ့အထိ ကျင်းပသွား မည်ဖြစ်ကြောင်း စာအောင်လက်မှတ်နှင့် ဆုများကို ၁၃၈၃ခု တပေါင်းလပြည့်ကျော် (၈) ရက်တွင် ပညာဓိကာရုံ ပရိယတ္တိစာသင်တိုက်၌ ပေးအပ်ချီးမြှင့်သွားမည်ဖြစ်ကြောင်း နာယကစာချ ဆရာတော် ဘဒ္ဒန္တဟိတဓရထံက သိရသည်။
သတင်း - ဝင်းဝင်းသန်း
မြန်မာနေရှင်နယ်ပို့စ်
No comments:
Post a Comment