MNP - မတ် ၂၆
ပြန်ကြားရေးနှင့်ပြည်သူ့ဆက်ဆံရေး ဦးစီးဌာန ဘားအံခရိုင် လူထုအခြေပြုဗဟိုဌာန Community Centre ခန်းမတွင် မူးယစ်ဆေးဝါးအန္တရာယ် တားဆီးကာကွယ်ရေး အသိပညာပေး ဆွေးနွေးပွဲ Talk Show ကို ယမန်နေ့ မွန်းလွဲပိုင်းက ကျင်းပပြုလုပ်ခဲ့ကြောင်း သိရသည်။
အဆိုပါ အသိပညာပေး ဆွေးနွေးပွဲ Talk Show တွင် ဘားအံခရိုင် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ ဦးစီးအရာရှိ(တာဝန်ပေး) ဒေါ်ခက်ခက်လွင်က Talk Show ကျင်းပပြုလုပ်ရခြင်း၏ ရည်ရွယ်ချက်ကို ရှင်းလင်း ပြောကြားပြီး ဘားအံမြို့နယ် မူးယစ်ဆေးဝါးနှင့် စိတ်ကိုပြောင်းလဲစေသော မူးယစ်ဆေးဝါးများ အန္တရာယ်တားဆီး ကာကွယ်ရေးအဖွဲ့ အဖွဲ့ဝင်၊ အမျိုးသမီးရေးရာအဖွဲ့ဥက္ကဋ္ဌ ဒေါ်အေးမြတ်ရီမှ ဖွဲ့စည်း တာဝန်ပေးအပ်မှုနှင့် လုပ်ငန်းတာဝန်များ၊ မူးယစ်သားကောင်ဖြစ်လာသည့် အမျိုးသမီးများကို ကူညီ စောင့်ရှောက်ပေးမှုများ၊ နှစ်သိမ့်ပေးမှုများ၊ မူးယစ်သားကောင်ဖြစ်လာသည့် အမျိုးသမီးများ၏ ရရှိခံစားနိုင်သည့် အခွင့်အရေးများ၊ ခုခံကာကွယ်ပိုင်ခွင့်များ၊ မူးယစ်သားကောင် မဖြစ်လာစေရန် တားဆီးကာကွယ်ပေးမှု၊ သက်ဆိုင်ရာဌာနများနှင့် ပူးပေါင်းဆောင်ရွက်မှုများ၊ ရည်ရွယ်ချက်တူ အခြားပြည်တွင်းပြည်ပ အဖွဲ့အစည်းများနှင့် ပူးပေါင်း၍ မြို့ပြနှင့် ကျေးလက်ဒေသရှိ အမျိုးသမီးများအထိ အသိပညာပေး လုပ်ငန်းများနှင့် ကူညီဆောင်ရွက်ပေးမှုများကို ဆွေးနွေးပြောကြား ခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment