MNP - မတ် ၂၃
ရခိုင်ပြည်နယ်၊ ရမ်းဗြဲမြို့နယ်၌ ကိုဗစ်-၁၉ ရောဂါကာကွယ်ဆေးမည်သည့်ဆေးကိုမျှ တစ်ကြိမ်တစ်ခါမထိုးနှံရသေးသည့်အသက်(၁၈)နှစ်နှင့်အထက် ပြည်သူများအား ကိုဗစ်-၁၉ရောဂါကာကွယ်ဆေးCovaxin ဆေးကို ဆေးထိုးစုရပ်အသီးသီးတွင်မြို့နယ်ကိုဗစ်-၁၉ ရောဂါထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၏ ကြီးကြပ်မှုဖြင့်ယနေ့ နံနက် ၈ နာရီအချိန်က ထိုးနှံပေးလျက်ရှိကြောင်း သိရသည်။
ထိုသို့ ကိုဗစ်-၁၉ ရောဂါကာကွယ်ဆေး Covaxin ဆေးကိုထိုးနှံပေးလျက်ရှိရာ ရမ်းဗြဲမြို့နယ်၊ ပြည်သူ့ဆေးရုံဆေးထိုးစုရပ်တွင် ရမ်းဗြဲမြို့ရှိ ရပ်ကွက် (၆)ခုမှ ပြည်သူများ၊ ခမာင်းခြေတိုင်ကျေးရွာ အုပ်စုအတွင်းမှပြည်သူများ၊ ရွသင်္ဘော ဆိပ်ကျေးရွာအုပ်စုမှပြည်သူများ၊ မရွတ်ချိန်းရွာအုပ်စုအတွင်းမှပြည်သူများနှင့် လက်ပန်ကျေးရွာအပ်စုအတွင်းမှပြည်သူများလာရောက်ထိုးနှံလျက်ရှိကြပါသည်။
အဆိုပါ ကာကွယ်ဆေးထိုးနှံရာတွင် အထွေထွေအုပ်ချုပ်ရေးဦးစီးဌာနမှ ဝန်ထမ်းများမှ ဆေးထိုးရန်ရောက်ရှိလာကြသူများအား စာရင်းရေးသွင်းမှတ်တမ်းယူခြင်း ကျန်းမာရေးဝန်ထမ်းများမှ သွေးပေါင်ချိန် တိုင်းတာခြင်းနှင့်ကိုယ်ပူချိန်တိုင်းတာပေးခြင်းများကိုဆောင်ရွက်ပေးပြီးမှသာ ပုံမှန်အခြေအနေရှိသူများကို ကျန်းမာရေးဝန်ကြီးဌာန၏လမ်းညွှန်ချက်များနှင့်အညီ စနစ်တကျထိုးနှံပေးလျက်ရှိရာ ကိုဗစ်ကာကွယ်ဆေး Covaxin ဆေးတစ်လံးလျှင် လူ(၁၀)နှုန်းဖြင့်ထိုးနှံပေးလျက်ရှိပါသည်၊ ဆေးထိုးပြီးသူများကိုလည်း မိနစ် ၃၀ ခန့်အနားယူစေ၍ ကျန်းမာရေးစောင့်ရှောက်မှုများဆောင်ရွက် ပေးလျက်ရှိကြောင်းသိရသည်။
သတင်း - အောင်နိုင်
မြန်မာနေရှင်နယ်ပို့စ်
No comments:
Post a Comment