MNP ၊ မတ် ၂၃
ရခိုင်ပြည်နယ်၊ ရမ်းဗြဲမြို့နယ်၌ ကိုဗစ်-၁၉ ရောဂါကာကွယ် ဆေးမည်သည့်ဆေးကိုမျှ တစ်ကြိမ်တစ်ခါမထိုးနှံရသေးသည့်အသက်(၁၈)နှစ်နှင့်အထက် ပြည်သူများအား ကိုဗစ်-၁၉ ရောဂါကာကွယ်ဆေးCovaxin ဆေးကို ဆေးထိုးစုရပ်အသီးသီးတွင်မြို့နယ်ကိုဗစ်-၁၉ ရောဂါထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၏ ကြီးကြပ်မှုဖြင့် ယနေ့ နံနက် ၈ နာရီအချိန်က ထိုးနှံပေးလျက်ရှိကြောင်း သိရသည်။
ထိုသို့ ကိုဗစ်-၁၉ ရောဂါကာကွယ်ဆေး Covaxin ဆေးကိုထိုးနှံပေးလျက်ရှိရာ ရမ်းဗြဲမြို့နယ်၊ ပြည်သူ့ဆေးရုံ ဆေးထိုး စုရပ်တွင် ရမ်းဗြဲမြို့ရှိ ရပ်ကွက်(၆)ခုမှ ပြည်သူများ၊ ခမာင်းခြေတိုင်ကျေးရွာအုပ်စုအတွင်းမှပြည်သူများ၊ ရွာသင်္ဘောဆိပ်ကျေးရွာအုပ်စုမှပြည်သူများ၊ မရွတ်ချိန်ကျေးရွာအုပ်စုအတွင်းမှပြည်သူများနှင့် လက်ပန်ကျေးရွာအုပ်စုအတွင်းမှပြည်သူများ လာရောက်ထိုးနှံလျက်ရှိကြသည်။
အဆိုပါ ကာကွယ်ဆေးထိုးနှံရာတွင် အထွေထွေအုပ်ချုပ်ရေးဦးစီးဌာနမှ ဝန်ထမ်းများက ဆေးထိုးရန်ရောက်ရှိ လာကြသူများအား စာရင်းရေးသွင်းမှတ်တမ်းယူခြင်း၊ ကျန်းမာရေးဝန်ထမ်းများက သွေးပေါင်ချိန်တိုင်းတာခြင်းနှင့်ကိုယ်ပူချိန်တိုင်းတာပေးခြင်းများကို ဆောင်ရွက်ပေးပြီးမှသာ ပုံမှန်အခြေအနေရှိသူများကို ကျန်းမာရေးဝန်ကြီးဌာန၏လမ်းညွှန်ချက်များနှင့်အညီ စနစ်တကျထိုးနှံပေးလျက်ရှိရာ ကိုဗစ်ကာကွယ်ဆေး Covaxin ဆေးတစ်လံးလျှင် လူ(၁၀)နှုန်းဖြင့်ထိုးနှံပေးလျက်ရှိပါသည်၊ ဆေးထိုးပြီးသူများကိုလည်း မိနစ် ၃၀ ခန့်အနားယူစေ၍ ကျန်းမာရေးစောင့်ရှောက်မှုများ ဆောင်ရွက်ပေးလျက်ရှိကြောင်း သိရသည်။
အောင်နိုင်
https://t.me/MyanmarNationalPost
No comments:
Post a Comment