MNP - မတ် ၂၈
မန္တလေးတိုင်းဒေသကြီး၊ ကျောက်ဆည်ခရိုင်၊ စဉ့်ကိုင်မြို့နယ်အတွင်းရှိ ရပ်ကွက်/ ကျေးရွာများ အတွင်းကိုဗစ်-၁၉ရောဂါ လျော့နည်းကျဆင်း စေရေးနှင့်ရာနှုန်းပြည့် ထိုးနှံနိုင်ရေးအတွက် ယနေ့ နံနက်(၁၀)နာရီကစဉ့်ကိုင် ပြည်သူ့ဆေးရုံ၌ (Covishield) ထိုးနှံပြီး(၆)လပြည့်သူများကို (Booster Dose)များ ထိုးနှံပေးလျက် ရှိကြောင်းသိရသည်။
အဆိုပါ(Booster Dose )ကာကွယ်ဆေးများ ထိုးနှံပေးရာတွင်မြို့နယ်ပြည်သူ့ကျန်းမာရေးဦးစီးဌာနမှ ဝန်ထမ်းများ၊ ပလိပ်တိုက်နယ်ဆေးရုံတွင် ဒေါက်တာသက်ကိုကိုလွင် (ရောဂါ နှိမ်နှင်းရေး)၊ ကျောက်ဆည်တက္ကသိုလ်တွင်ဦးစောအေး(ကျန်းမာရေးမှူး)တို့ကဦးဆောင်၍ကျန်းမာရေးဝန် ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ပညာရေးဌာနမှဝန်ထမ်းများ၊ မီးသတ်တပ်ဖွဲ့ဝင်များ၊ မြို့နယ်ကြက်ခြေနီသူနာပြုတပ်ဖွဲ့ဝင်များ၊ ပရဟိတ အသင်းအဖွဲ့ဝင်များ၊ ရပ်ကွက် /ကျေးရွာအုပ်ချုပ်ရေးမှူးများ ပူးပေါင်း၍ ကာကွယ်ဆေး ထိုးနှံပေးလျက်ရှိကြောင်း သိရသည်။
စဉ့်ကိုင်မြို့နယ်အတွင်း ကိုဗစ်-၁၉ ကူးစက်ရောဂါ ကာကွယ်ထိန်းချုပ် ကုသရေးကော်မတီဥက္ကဋ္ဌ၏ကြီးကြပ်မှုဖြင့် ဌာနဆိုင်ရာများ ၊ မီးသတ်တပ်ဖွဲ့ဝင်များ၊ ရပ်ကွက်/ကျေးရွာ အုပ်ချုပ်ရေးမှူးများ၊ ပရဟိတအဖွဲ့ဝင်များနှင့်ပူးပေါင်းပြီး Omicron အပါအဝင် ကိုဗစ်-၁၉ မျိုးရိုးဗီဇပြောင်း ရောဂါပိုးကို သတိပြုကာကွယ်ရန်နှင့် ကူးစက် ပြန့်ပွားမှု မဖြစ်စေရေး၊ ကြိုတင်ကာကွယ် တားဆီးနိုင်စေရန်နှင့် ရောဂါကူးစက်မှုလျော့နည်း စေရေးအတွက် ပြည်သူများသိရှိလိုက်နာစေရန်၊ အသံချဲ့စက်မျာ ၊ Hand Spaker များဖြင့် လှည့်လည်ပြီး အသိပညာပေး နှိုးဆော်ခြင်း၊ ဒေသန္တာရ စည်းကမ်းချက်များ၊ ကျန်းမာရေးဝန်ကြီးဌာနက ထုတ်ပြန်ထားသောညွှန်ကြားချက်များအတိုင်း လိုက်နာမှု ရှိ/ မရှိ စစ်ဆေးခြင်း အသိပညာပေးလုပ်ငန်းများကိုဆောင်ရွက်ပေးလျက်ရှိပြီး မတ်လ (၂၆)ရက်နေ့အထိ First Dose (၈၂၁၄၈)ဦး Second Dose (၅၆၂၇၅)ဦးနှင့်Third Dose (Booster Dose)(၁၄၃၇) ဦး၊ ရာခိုင်နှုန်းအားဖြင့် (၉၆.၈၅%) အားထိုးနှံပေးပြီးဖြစ်ရာကိုဗစ်-၁၉ ရောဂါ ကာကွယ်ဆေးတစ်ကြိမ်မျှ ထိုးနှံခြင်းမရှိသေးသူများကိုလည်း မြို့နယ်ပြည်သူ့ ကျန်းမာရေးဦးစီ းဌာနက ဆက်လက်ထိုးနှံ ပေးသွားမည် ဖြစ်ကြောင်း သိရသည်။
သတင်း - ညိုညိုဝင်း
မြန်မာနေရှင်နယ်ပို့စ်
No comments:
Post a Comment