MNP - မတ် ၂၇
ချင်းပြည်နယ်၊ ဟားခါးမြို့၌ အသက်(၁၂)နှစ်နှင့်အထက် အလယ်တန်းနှင့် အထက်တန်းအဆင့် ကျောင်းသား/သူများနှင့် အသက် ၁၈ နှစ်အထက် ပြည်သူများအား မတ်လ ၂၄ ရက်နေ့မှ ၂၆ ရက်နေ့အထိ ကိုဗစ်−၁၉ ရောဂါ ကာကွယ်ဆေး First Dose နှင့် Second Dose ထိုးနှံပေးလျက်ရှိကြောင်း သိရသည်။
ကာကွယ်ဆေးကို အမှတ်(၁) အခြေခံပညာ အထက်တန်းကျောင်းရှိ ဗိုလ်တိုက်ချွန်းခန်းမ၌ ထိုးနှံ ပေးခဲ့ခြင်းဖြစ်ပြီး First Dose ကို အသက် (၁၂) နှစ်နှင့်အထက် ကျောင်းသား၊ ကျောင်းသူ (၁၅၄) ဦး၊ အသက် ၁၈ နှစ်အထက် ပြည်သူ (၁၃၄၂)ဦး၊ ပေါင်း (၁၄၉၆) ဦးနှင့် Second Dose ကို အသက် (၁၂) နှစ်နှင့်အထက် ကျောင်းသား၊ ကျောင်းသူ (၃၂၇) ဦး လာရောက် ထိုးနှံကြကြောင်း သိရသည်။
သတင်း - မောင်တက်လမ်း
မြန်မာနေရှင်နယ်ပို့စ်
No comments:
Post a Comment