MNP - မတ် ၂၃
ကချင်ပြည်နယ်၊ မြစ်ကြီးနားခရိုင်၊ အင်ဂျန်းယန်မြို့နယ်တွင် နယ်မြေဒေသအခြေအနေအရ မြစ်ကြီးနားမြို့နယ်၊ ပလနကျေးရွာအုပ်စု၊ ပိတောက်မြိုင်ကျေးရွာ၊ စိန့်ဂျိုးဇက်(IDP Camp)နှင့် တြီနီတီ(IDP Camp)တွင် ပြောင်းရွှေ့နေထိုင်လျက်ရှိသော အင်ဂျန်းယန်မြို့နယ်မှ ပြည်သူများအား ကိုဗစ်-၁၉ ရောဂါ ကာကွယ်ဆေးထိုးနှံခြင်းလုပ်ငန်းကို မြို့နယ်စီမံအုပ်ချုပ်ရေး အဖွဲ့၏အနီးကပ် ကြီးကြပ်မှုဖြင့် မတ် ၂၁ ရက် နံနက် ၁၀ နာရီက ဆောင်ရွက်ခဲ့သည်။
အဆိုပါ ကိုဗစ်-၁၉ ရောဂါ ကာကွယ်ဆေးထိုးနှံခြင်းလုပ်ငန်းကို မြို့နယ်ကိုဗစ်-၁၉ ရောဂါ ထိန်းချုပ်ရေးနှင့်အရေးပေါ်တုံ့ပြန်ရေးကော်မတီ ဥက္ကဋ္ဌ ဦးရဲရင့်လှိုင်၊ အဖွဲ့ဝင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန မြို့နယ်ဦးစီးမှူး ဦးထွန်းထွန်းအောင်၊ ဒုတိယမြို့နယ် အုပ်ချုပ်ရေးမှူး ဦးသန်းစိုး၊ ဒုတိယမြို့နယ်ပညာရေးမှူး ဦးသန့်ဇော်လင်းနှင့် မြို့နယ်ပြည်သူ့ ကျန်းမာရေးဦးစီးဌာနမှ ဝန်ထမ်းများက ရရှိသည့် Covaxin (10 Doses/ 1 Vial) (၆)လုံး အသုံးပြု၍ စိန့်ဂျိုးဇက်(IDP Camp)နှင့် တြီနီတီ(IDP Camp)တွင် နေထိုင်သည့် အင်ဂျန်းယန်မြို့နယ်မှ ပြည်သူ ကျား(၂၃)ဦး၊ မ(၃၇)ဦး၊ စုစုပေါင်း (၆၀)ဦးအား Phase-8 (First Dose) ကိုဗစ်- ၁၉ ရောဂါ ကာကွယ်ဆေးများ ထိုးနှံပေးခဲ့ကြောင်း သိရသည်။
သတင်း - ကျော်စိုးနိုင်
မြန်မာနေရှင်နယ်ပို့စ်
No comments:
Post a Comment