MNP - မတ် ၃၀
ရှမ်းပြည်နယ်(မြောက်ပိုင်း) တန့်ယန်းမြို့နယ်တွင် ကိုဗစ်-၁၉ ရောဂါ ကာကွယ်ထိန်းချုပ်နိုင်ရေးကို မြို့နယ်မှ ဌာနဆိုင်ရာများ၊ လူမှုရေး အသင်းအဖွဲ့များနှင့် စေတနာရှင် ပြည်သူများ ပူးပေါင်း ဆောင်ရွက်ရာ ယခုအခါ ကိုဗစ်-၁၉ ဗီဇပြောင်းမျိုးကွဲ Omicron (အိုမီခရွန်)ရောဂါပိုး ကူးစက် ပြန့်ပွားမှု မရှိစေရန်အတွက် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနက အသိပညာပေးခြင်းကို ယမန်နေ့ နံနက်က အမှတ်(၄)ရပ်ကွက်အတွင်း ကွင်းဆင်းဆောင်ရွက် ခဲ့ကြသည်။
အဆိုပါ ကိုဗစ်-၁၉ ဗီဇပြောင်းမျိုးကွဲ Omicron (အိုမီခရွန်)ရောဂါပိုး ကူးစက်ပြန့်ပွားမှု မရှိစေရန်အတွက် အသိပညာပေးခြင်း ဆောင်ရွက်ရာတွင် ရောဂါကူးစက်မှု ပိုမိုမြန်ဆန်ခြင်းကြောင့် (အိုမီခရွန်)ရောဂါ ကာကွယ်ထိန်းချုပ်ရေးနှင့်ပတ်သက်သည့် စည်းကမ်းချက်များ၊ မိမိ၏လက်ကို လက်ဆေးဆပ်ပြာဖြင့် စနစ်တကျ ဆေးကြောရန်၊ နေအိမ်ပြင်ပသို့ ထွက်သူတိုင်း ပါးစပ်/ နှာခေါင်းစည်း Mask ကို စနစ်တကျ တပ်ဆင်၍ သွားလာအသုံးပြုရန်၊ မိမိ၌ ရောဂါကူးစက် ခံရသည်ဟု သံသယရှိလာပက နီးစပ်ရာကျန်းမာရေးဌာနနှင့် အမြန်ဆုံးဆက်သွယ်၍ စစ်ဆေး ကုသမှုခံယူကြရန်နှင့် ကိုဗစ်-၁၉ ဗီဇပြောင်းမျိုးကွဲ Omicron(အိုမီခရွန်) ရောဂါ ကူးစက်ပြန့်ပွားမှု မရှိစေရန်အတွက် ကိုဗစ်-၁၉ ရောဂါ ကာကွယ်ထိန်းချုပ်ရေး စည်းကမ်းချက်များနှင့်အညီ နေထိုင်ကြရန် ပြည်သူလူထု တစ်ရပ်လုံးက ကျန်းမာရေးအသိဖြင့် ဝိုင်းဝန်းပူးပေါင်း ပါဝင်ကူညီ ဆောင်ရွက်နိုင်ရန် မြန်မာဘာသာ၊ ရှမ်းဘာသာတို့ဖြင့် အသိပညာပေး နှိုးဆော်ခြင်းကို ဆောင်ရွက်ခဲ့ကြောင်းသိရသည်။ မင်းလွင်ဦး
သတင်း - ရှမ်းပြည်နယ်
မြန်မာနေရှင်နယ်ပို့စ်
No comments:
Post a Comment