MNP - မတ် ၄
ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ် ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများ၊ တိုင်းဒေသကြီးအဆင့် ဌာနဆိုင်ရာများနှင့်အတူ ယနေ့ နံနက်(၈)နာရီက မြောင်းမြမြို့နယ် ပညာရေး ဒီဂရီကောလိပ်၊ ပညာသီရိခန်းမ၌ လုပ်ငန်းခွင်အကြို မူလတန်းဆရာ အတတ်ပညာသင်တန်း PPTT (၇/၂၀၂၀) သင်တန်းဆင်းပွဲသို့ တက်ရောက်ခဲ့သည်။
အဆိုပါ သင်တန်းဆင်းပွဲအခမ်းအနားတွင် သင်တန်းသား၊ သင်တန်းသူများမှ ဆရာ၊ ဆရာမများ ခံယူအပ်သော သစ္စာအဓိဌာန် (၆)ရပ်ရွတ်ဆို၍ သစ္စာအဓိဌာန်ပြုပြီးနောက် ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ် ဦးတင်မောင်ဝင်းက သင်တန်းဆင်း အမှာစကား ပြောကြားခဲ့သည်။ ထို့နောက် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်က လုပ်ငန်းခွင်အကြို မူလတန်းဆရာ အတတ်ပညာသင်တန်း PPTT (၇/၂၀၂၀) သင်တန်းသား၊ သင်တန်းသူများအား မြို့နယ်အလိုက် သင်တန်းပြီးမြောက်ကြောင်း လက်မှတ်များ ပေးအပ်ခဲ့ပြီး မြောင်းမြပညာရေး ဒီဂရီကောလိပ်သို့ ချီးမြှင့်ထောက်ပံ့ငွေကျပ် (၁၀)သိန်းပေးအပ်ခဲ့ရာ ဒုတိယကျောင်းအုပ်ဆရာမကြီး ဒေါ်သူဇာရှိန်မှ လက်ခံရယူခဲ့ပြီး အခမ်းအနားကို ရုပ်သိမ်းခဲ့ကြောင်းသိရသည်။
သတင်း - ကေခိုင်စိုး
မြန်မာနေရှင်နယ်ပို့စ်
No comments:
Post a Comment