MNP ၊ မတ် ၃
အာဆီယံအလှည့်ကျဥက္ကဌ၏ မြန်မာနိုင်ငံဆိုင်ရာ အထူးကိုယ်စားလှယ် ကမ္ဘောဒီးယားဒုဝန်ကြီးချုပ်နှင့် နိုင်ငံခြားရေးဝန်ကြီးဖြစ်သူ Prak Sokhonn သည် လာမည့် မတ်လ ၂၀ ရက်မှ ၂၃ ရက်နေ့အထိ မြန်မာနိုင်ငံသို့ အလုပ်သဘော လာရောက်လည်ပတ်မည်ဖြစ်ကြောင်း ကမ္ဘောဒီယားအခြေစိုက် ခမာတိုင်းသတင်းဌာနတွင် ဖော်ပြထားသည်။
အဆိုပါခရီးစဉ် သည် အာဆီယံ အထူးကိုယ်စားလှယ်၏ပထမဆုံး မြန်မာနိုင်ငံခရီးစဉ်ဖြစ်ပြီး ခရီးစဉ်နှင့်ပတ်သက်၍ ကမ္ဘောဒီးယားနိုင်ငံခြားရေးနှင့် နိုင်ငံတကာပူးပေါင်းဆောင်ရွက်ရေးဝန်ကြီးဌာနက အတည်ပြုထုတ်ပြန်ထားကြောင်း သိရသည်။
မြန်မာနိုင်ငံသို့ မတ်လ ဒုတိယအပတ်တွင် သွားရောက်ရန်ရှိကြောင်း၊ မြန်မာနိုင်ငံသို့ လူသားချင်းစာနာမှု အကူအညီများ ပေးအပ်၍ သက်ဆိုင်ရာ နိုင်ငံရေးပါတီများနှင့် တွေ့ဆုံရန် ရှိကြောင်း အာဆီယံအထူးကိုယ်စားလှယ် ကမ္ဘောဒီးယားဒုဝန်ကြီးချုပ်နှင့် နိုင်ငံခြားရေးဝန်ကြီး Prak Sokhonn က သတင်းစာရှင်းလင်းပွဲတွင် ပြောကြားထားသည်။
https://t.me/MyanmarNationalPost
No comments:
Post a Comment