MNP - မတ် ၂၄
ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်း မြို့နယ်တွင် ၂၀၂၁-၂၀၂၂ ခုနှစ် (၆)လ ဘဏ္ဍာနှစ်အတွင်း ဆောင်ရွက်သည့် ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP) လုပ်ငန်းများအား ချပြရှင်းလင်းခြင်းနှင့် လုပ်ငန်းများလွှဲပြောင်း အပ်နှံခြင်း အခမ်းအနားကို ယမန်နေ့နံနက်ပိုင်းက မြို့နယ်ကျေးလက်ဒေသဖွံဖြိုးရေးဦးစီးဌာန အစည်းအဝေးခန်းမ၌ ကျင်းပခဲ့သည်။
အခမ်းအနားတွင် မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ လက်ထောက်ညွှန်ကြားရေးမှူး ဦးသက်စိုးက လက်ပံတန်း မြို့နယ်တွင် ၂၀၂၁-၂၀၂၂ ခုနှစ်၊ (၆)လ ဘဏ္ဍာနှစ်အတွင်း ဆောင်ရွက်ခဲ့သည့် ကျေးရွာ(၅)ရွာ၏ လုပ်ငန်းများ ရှင်းလင်းပြောကြားပြီး၊ နိုင်ငံတော်ထောက်ပံ့ရန်ပုံငွေ တစ်ရွာလျှင်ကျပ်သိန်း (၁၀၀)ဖြင့် ရေနောက်ကျေးရွာ၊ သက္ကယ်ကုန်းကျေးရွာ၊ ဖိုးခေါင်စုကျေးရွာ၊ရေပျံစေတီကျေးရွာနှင့် ဂရံရွာသစ်ကျေးရွာများတွင် ကျေးရွာတွင်းလမ်းများ ဂဝံမြေနီခင်းခြင်းလုပ်ငန်းများ ဆောင်ရွက်ပြီးစီးမှုကို ကျေးရွာအလိုက် လွှဲပြောင်း ပေးအပ်ခဲ့ကြောင်းသိရသည်။
မြန်မာနေရှင်နယ်ပို့စ်
No comments:
Post a Comment