MNP - မတ် ၂၉
ကရင်ပြည်နယ် ၊ ဘားအံခရိုင်၊ သံတောင်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၁-၂၀၂၂ ခု (၆)လ ဘဏ္ဍာရေးနှစ်ကာလအတွင်း ကျေးရွာဖွံ့ဖြိုးတိုးတက်ရေး VDP ဖြင့် ကျေးရွာအုပ်စု(၃)အုပ် စုရှိကျေးရွာ(၃)ရွာ၌ ဒေသဖွံ့ဖြိုးရေးလုပ်ငန်းများကို ၂၀၂၁ ခုနှစ် ၊ ဒီဇင်ဘာလမှ စတင် အကောင်အထည်ဖော်ဆောင်ရွက်လျက်ရှိရာ ရွာသစ်ကုန်းကျေးရွာ လျှပ်စစ်မီးသွယ်တန်းခြင်းလုပ်ငန်း ရာနှုန်းပြည့်ဆောင်ရွက်ပြီးဖြစ်ကြောင်း သိရသည်။
အဆိုပါ ရွာသစ်ကုန်းကျေးရွာ လျှပ်စစ်မီးသွယ်တန်းခြင်းလုပ်ငန်းကို ကျေးရွာဖွံ့ဖြိုးတိုးတက်ရေးစီမံကိန်း ရန်ပုံငွေကျပ်သိန်း (၁၀၀)နှင့် ပြည်သူလူထုထည့်ဝင်ငွေကျပ်(၁၀)သိန်းဖြင့် ဆောင်ရွက်ခဲ့ခြင်းဖြစ်ပြီး ကျေးလက်နေပြည်သူများအနေဖြင့် လျှပ်စစ်မီးရရှိသည့်အတွက် လူနေမှုအဆင့်အတန်း ဖွံ့ဖြိုးတိုးတက်လာမည်ဖြစ်ကြောင်း သံတောင်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူးဦးချမ်းငြိမ်းဝင်းထံက သိရသည်။
သတင်း - နာ်နော်မူ
မြန်မာနေရှင်နယ်ပို့စ်
No comments:
Post a Comment