MNP - ဧပြီ ၂၉
ပဲခူးတိုင်းဒေသကြီး၊ ပဲခူးခရိုင်၊ ရွှေကျင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Center) ခန်းမတွင် ရွှေကျင်မြို့နယ်အတွင်းရှိ ကျေးရွာ စာကြည့်တိုက်များ ရှင်သန်လည်ပတ်နိုင်ရေး အလုပ်ရုံဆွေးနွေးပွဲကို ယမန်နေ့ ညနေ ၃ နာရီအချိန်က ကျင်းပသည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူး ဒေါ်သဲစုအောင်က ကျေးရွာစာကြည့်တိုက်များ လည်ပတ်နေမှုအခြေ အနေများ၊ ကျေးရွာနေ ပြည်သူများ စာအုပ်-စာစောင်များအား ငှားရမ်းဖတ်ရှုမှု အခြေအနေများ၊ စာကြည့်တိုက်များ၏ လိုအပ်ချက်များကို မေးမြန်းခဲ့ရာ ကျေးရွာ အုပ်ချုပ်ရေးမှူးများက မိမိတို့ကျေးရွာများရှိ စာကြည့်တိုက်များတွင် ကျောင်းသား/ကျောင်းသူများနှင့် ဒေသခံပြည်သူများမှ စာအုပ်-စာစောင် ငှားရမ်းဖတ်ရှုမှု အခြေအနေများ၊ စာဖတ်-စာဌာအသင်းဝင်များ၏ လစဉ်လှူဒါန်းမှုငွေများဖြင့် စာအုပ်စာစောင်များ တိုးပွားရေးအတွက် ဆောင်ရွက်နိုင်မည့် နည်းလမ်းများ မြို့နယ်စာကြည့်တိုက်အနေဖြင့် စာအုပ်-စာစောင်များကို လှူဒါန်းပေးနိုင်ရေးတို့ကို ဆွေးနွေးခဲ့ကြပြီး အဆိုပါ ဆွေးနွေးပွဲသို့ မြို့နယ်ဦးစီးမှူးနှင့် ကျေးရွာများမှ အုပ်ချုပ်ရေးမှူးများ တက်ရောက်ခဲ့ကြကြောင်း သိရသည်။
သတင်း - ထွန်းထွန်းဇော်
မြန်မာနေရှင်နယ်ပို့စ်
No comments:
Post a Comment