MNP - ဧပြီ ၅
မကွေးတိုင်းဒေသကြီး နတ်မောက်မြို့၌ မြို့အဝင်ဂိတ်များဖြစ်သည့် နတ်မောက်-ပျော်ဘွယ် အဝင်ဂိတ်၊ နတ်မောက်-မြို့သစ်အဝင်ဂိတ်နှင့် နတ်မောက်-မကွေး အဝင်ဂိတ်များတွင် ခရီးသွားလာ ပြည်သူများ နိုင်ငံသားစစ်ဆေးကတ် (မှတ်ပုံတင်) ကိုင်ဆောင်၍ ခရီးသွားလာခြင်း ရှိ/မရှိ စစ်ဆေးခြင်းကို ၂၀၂၂-ခုနှစ်ဧပြီ(၁)ရက်နေ့ စတင်စစ်ဆေးလျက်ရှိကြောင်း သိရသည်။
ထိုသို့ဆောင်ရွက်စစ်ဆေးရာသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် တာဝန်ရှိသူများ၊ မြို့နယ် လူဝင်မှုကြီးကြပ်ရေးနှင့် ပြည်သူအင်အားဝန်ကြီးဌာန၊ နတ်မောက်မြို့နယ် ဦးစီးအရာရှိနှင့် ဝန်ထမ်း များက လုပ်ငန်းလိုအပ်ချက်အရ သွားလာနေကြသည့် မိဘပြည်သူများအနေဖြင့် ခရီးသွားလာရာ တွင်လည်းကောင်း၊ တည်းခိုနေထိုင်ရာတွင်လည်းကောင်း၊ နိုင်ငံသားကတ်(မှတ်ပုံတင်) ပြသ ဆောင်ရွက်ရသည့် လုပ်ငန်းများတွင် တရားဝင်ထုတ်ပေးထားသည့် နိုင်ငံသားကတ်(မှတ်ပုံတင်) မပါရှိဘဲခရီးသွားလာခြင်းကို ခွင့်ပြုတော့မည်မဟုတ်သဖြင့် ခရီးသွားလာပြည်သူများအားလုံး နိုင်ငံသားကတ်(မှတ်ပုံတင်)ပါ/မပါ စစ်ဆေးခြင်းများ ဆောင်ရွက်ခဲ့ကြကြောင်း သိရသည်။
သတင်း - လှဝင်း
မြန်မာနေရှင်နယ်ပို့စ်
No comments:
Post a Comment