MNP - ဧပြီ ၂၈
ပဲခူးတိုင်းဒေသကြီး၊ ပဲခူးခရိုင်၊ ဝေါမြို့နယ်၏ ၂၀၂၂-၂၀၂၃ ဘဏ္ဍာရေးနှစ်၊ စီမံကိန်း ရည်မှန်းချက်များနှင့် ရင်းနှီးမြှုပ်နှံမှု စီမံကိန်းရည်မှန်းချက်များ တာဝန်ပေးအပ်ပွဲ အခမ်းအနားကို ယနေ့နံနက် ၁၀ နာရီက ဝေါမြို့၊ မြို့နယ်ခန်းမ၌ ကျင်းပသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဝင်းမော်က လမ်းညွှန်အမှာစကားပြောကြားပြီး၊ မြို့နယ်စီမံကိန်း ရေးဆွဲရေးဦးစီးဌာန၊ ဦးစီးမှူး ဒေါ်ချိုချိုသက် က ဝေါမြို့နယ်၏ ၂၀၂၂-၂၀၂၃ ဘဏ္ဍာရေးနှစ်၊ စီမံကိန်းရည်မှန်းချက်များနှင့် ရင်းနှီးမြှုပ်နှံမှု စီမံကိန်းရည်မှန်းချက်များအပေါ် ရှင်းလင်းတင်ပြပေးသည်။ ဆက်လက်၍ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဝင်းမော်က စီမံကိန်းရည်မှန်ချက်များတွင် ပါဝင်သည့် သက်ဆိုင်ရာဌာနများမှ တာဝန်ရှိသူများအား စီမံကိန်း တာဝန်များ ပေးအပ်သည်။
အဆိုပါ တာဝန်ပေးအပ်ရာတွင် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန၊ ဆည်မြောင်းနှင့် ရေအသုံးချမှုစီမံခန့်ခွဲရေး ဦးစီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်း၊ ကျေးလက်လမ်း ဖွံ့ဖြိုးရေး ဦးစီးဌာနနှင့် စည်ပင်သာယာအဖွဲ့၊ စုစုပေါင်း ဌာနငါးခုမှ လုပ်ငန်းပေါင်း ၅၆ ခုအား တိုင်းဒေသကြီး ဘက်ဂျက်ငွေကျပ် (၃၅၅၈ ဒသမ ၆၈၄) သန်းဖြင့် စီမံကိန်း တာဝန်များ ပေးအပ်ခဲ့ကြောင်း သိရသည်။
သတင်း - စိုးမိုး
မြန်မာနေရှင်နယ်ပို့စ်
No comments:
Post a Comment