MNP - ဧပြီ ၂၁
ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်တွင် မြို့နယ်စားသုံးသူရေးရာ ဦးစီးဌာနမှ ဦးဆောင်၍ အမှတ် (၁၀)ရပ်ကွက်၊ ဗိုလ်ချုပ်ဈေးအတွင်းရှိ စားသုံးဆီရောင်းချ လျက်ရှိသည့် လုပ်ငန်းရှင်များအား ဟင်းသီးဟင်းရွက်ဆီ (Vegetable Oil, Cooking Oil) နှင့် စပ်လျဉ်း၍ ကုန်အညွှန်းအမှတ်အသား ဖော်ပြရာ၌ စီးပွားရေးလုပ်ငန်းရှင်များ လိုက်နာဆောင်ရွက်ရမည့် ညွှန်ကြားချက်များအား ကွင်းဆင်းရှင်းလင်းခြင်းလုပ်ငန်းကို ယနေ့ နေ့လယ် ၁ နာရီအချိန်က ဆောင်ရွက်သည်။
အဆိုပါ လုပ်ငန်းများ ဆောင်ရွက်ရာတွင် မြို့နယ်စားသုံးသူရေးရာဦးစီးဌာန၊ ဦးစီးအရာရှိ ဦးမင်းဇော်လတ်၊ မြို့နယ်စည်ပင်သာယာရေးအဖွဲ့၊ ဦးစီးအရာရှိ ဒေါ်ခိုင်မွန်သောင်း၊ (၁၆) ခုတင်ဆံ့တိုင်းရင်းဆေးရုံအုပ် ဦးခိုင်ထွန်းဇော် တို့ပါဝင်သည့် ပူးပေါင်းအဖွဲ့မှ ဗိုလ်ချုပ်ဈေး အတွင်းရှိ စားသုံးဆီရောင်းဝယ်ဖောက်ကားလျက်ရှိသည့် လုပ်ငန်းရှင်များနှင့် ကွင်းဆင်းတွေ့ဆုံ ၍ ၁/၂၀၂၁ ညွှန်ကြားချက်ပါ အချက်အလက်များအား ရှင်းလင်းဆွေးနွေးခဲ့ပြီး စားသုံးဆီများ ဈေးနှုန်းမြှင့်တင်ရောင်းချမှုမရှိစေရေး ကွင်းဆင်းစစ်ဆေးခဲ့ကြောင်း သိရသည်။
သတင်း - အောင်အောင်
မြန်မာနေရှင်နယ်ပို့စ်
No comments:
Post a Comment