MNP - ဧပြီ ၂၅
မန္တလေးတိုင်းဒေသကြီး သာစည်မြို့နယ်တွင် ယမန်နေ့ နံနက် ၉ နာရီခန့်က မိုးရွာသွန်းပြီး လေပြင်းတိုက်ခတ်မှုကြောင့် လှိုင်းတက်ကျေးရွာအုပ်စု၌ လူနေအိမ်တစ်လုံးနှင့် ကားဂိုထောင် အမိုးသွပ်တို့ပျက်စီးပြီး ကွန်ကရစ်မီးတိုင်များ ယိုင်လဲပျက်စီးခြင်းများ ဖြစ်ပွားခဲ့ကြောင်း သိရသည်။
လေပြင်းတိုက်ခတ်မှုကြောင့် နေအိမ်တစ်ခုလုံး၊ ကားဂိုထောင်အမိုးသွပ်နှင့် လှိုင်းတက်ကျေးရွာ အုပ်စုလှိုင်းတက်ကျေးရွာရှိ ၄၀၀ ဗို့ဓာတ်အားလိုင်း ကွန်ကရစ်တိုင်နှစ်တိုင် ယိုင်လဲပျက်စီးခဲ့ကြောင်း သိရသည်။ အဆိုပါ လေပြင်းတိုက်ခတ်မှုကြောင့် ပျက်စီးဆုံးရှုံးမှုများရှိသော်လည်း လူနှင့်တိရစ္ဆာန်များ ထိခိုက်ပျက်စီးမှုမရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment