MNP ၊ ဧပြီ ၃၀
ရခိုင်ပြည်နယ်၊ စစ်တွေမြို့တွင် မြို့သန့်ရှင်းသာယာလှပရေးစေရေးနှင့် အမှိုက်ကင်းစင်သောမြို့တော်ဖြစ်ရေးအတွက် ရခိုင်ပြည်နယ်အစိုးရအဖွဲ့၏ ကြီးကြပ်မှုဖြင့် စုပေါင်းအမှိုက်ကောက်ခြင်းနှင့် စုပေါင်းသန့်ရှင်းရေးဆောင်ရွက်ခြင်းများကို ယနေ့နံနက်၇နာရီက လောကနန္ဒာလမ်းဆုံမှမင်းဘာကြီးလမ်းထိပ်ထိလည်းကောင်း၊ လောကနန္ဒာလမ်းဆုံမှ အစိုးရဧည့်ရိပ်သာထိလည်းကောင်း၊ တပ်နယ်ဂိတ်မှမီးစက်ကြီးအပိုင်းအထိလည်းကောင်း၊မင်းဘာကြီးလမ်းမှစာတိုက်အထိလည်းကောင်း၊ စုစုပေါင်း(၁၂)နေရာခွဲ၍ စုပေါင်းသန့်ရှင်းရေးအမှိုက်ကောက်ခြင်းများဆောင်ရွက်ခဲ့ကြကြောင်းသိရသည်။
အဆိုပါ စုပေါင်းအမှိုက်ကောက်ခြင်းနှင့် စုပေါင်းသန့်ရှင်းရေးများဆောင်ရွက်ခြင်းကို ရခိုင်ပြည်နယ်အစိုးရအဖွဲ့ဝင်ဝန်ကြီးများ၊အနောက်ပိုင်းတိုင်းစစ်ဌာနချုပ်တိုင်းမှူးနှင့်တပ်ရင်းတပ်ဖွဲ့များမှမိသားစုဝင်များ၊ ပြည်နယ်ရဲတပ်ဖွဲ့နှင့်နယ်မြေခံတပ်ရင်းရဲတပ်ဖွဲ့ဝင်များ၊ ပြည်နယ်အဆင့်ခရိုင်အဆင့်ဌာနဆိုင်ရာဝန်ထမ်းများ၊မြန်မာနိုင်ငံရဲတပ်ဖွဲ့ဝင်များ၊မြို့နယ်မီးသတ်တပ်ဖွဲ့ဝင်များ၊နယ်မြေခံတပ်ရင်းမှ တာဝန်ရှိသူများ၊ တပ်ရင်းတပ်ဖွဲ့ဝင်များနှင့် မိသားစုဝင်များ၊ ရပ်ကွက်အုပ်ချုပ်ရေးမှူးများ စသည်ဖြင့် လူဦးရေ(၁၂၅၈) ဦး စုပေါင်းဆောင်ရွက်ခဲ့ကြသည်။
ထို့သို့ မြို့နယ်သန့်ရှင်းသာယာလှပရေး စုပေါင်းအမှိုက်ကောက်သန့်ရှင်းရေးဆောင်ရွက်ခြင်းလုပ်ငန်းများကို အပတ်စဉ် စနေနေ့တိုင်း လုပ်ဆောင်သွားမည်ဖြစ်ကြောင်း ရခိုင်ပြည်နယ်အစိုးရအဖွဲ့မှ သတင်းရရှိသည်။
သတင်း - ဇူလိုင်ကြယ်
https://t.me/MyanmarNationalPost
No comments:
Post a Comment