MNP ၊ ဧပြီ ၅
၂၀၂၂ ခုနှစ် တက္ကသိုလ်ဝင်စာမေးပွဲကို နိုင်ငံတစ်ဝန်းလုံး၌ ဧပြီ ၅ ရက် နံနက် ၉ နာရီမှစတင်၍ ရူပဗေဒဘာသာရပ်ကို ဖြေဆိုလျက်ရှိရာ မန္တလေးတိုင်းဒေသကြီး၊ ပြင်ဦးလွင်ခရိုင်၊ စဉ့်ကူးမြို့နယ်ရှိ စာစစ်ဌာန (၅)ခုတွင် ကျောင်းသား၊ ကျောင်းသူ (၃၆၃) ဦးဖြေဆိုလျက်ရှိသည်။
ထိုသို့ ဖြေဆိုရာတွင် စဉ့်ကူးမြို့နယ်အတွင်းရှိ စာစစ်ဌာန ၅ ခု၌ စာရင်းရှိ (၄၀၄)ဦးမှ အထက စဉ့်ကူးတွင် (၁၁၆)ဦး၊ အထက -လက်ပန်လှတွင် (၅၃)ဦး၊ အထက-ထုံးကြီးတွင် ( ၇၄) ဦး၊ အထက- ရွှေပြည်တွင် (၈၉)ဦး၊ အထက- ကျည်တောက်ပေါက်တွင် (၃၁)ဦး၊ စုစုပေါင်း(၃၆၃)ဦး ဝင်ရောက်ဖြေဆိုကြပြီး စာမေးပွဲ ဝင်ရောက်ဖြေဆိုသူ စုစုပေါင်း (၈၉.၈၅ )ရာခိုင်နှုန်းရှိကြောင်း မြို့နယ်ပညာရေးမှူးရုံးမှ သိရသည်။
တက္ကသိုလ်ဝင်စာမေးပွဲ ဖြေဆိုနေကြသော ကျောင်းသား/သူများ စိတ်အေးချမ်းစွာ ဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၊ မြန်မာနိုင်ငံရဲတပ်ဖွဲ့ ၊ ဌာနဆိုင်ရာများ၊ ရပ်ကွက်ကျေးရွာအုပ်ချုပ်ရေးမှူးများနှင့်မီးသတ်တပ်ဖွဲ့ဝင်များက ပညာရေးဝန်ထမ်းများနှင့်ပူးပေါင်း၍ လိုအပ်သည်များ ကူညီဆောင်ရွက်ပေးလျက်ရှိကြောင်း သိရသည်။
သတင်း - တင်ဇာလွင်
Myanmar National Post
No comments:
Post a Comment