MNP - ဧပြီ ၂၂
ရန်ကုန်အနောက်ပိုင်းခရိုင်၊ အလုံမြို့နယ်အတွင်း ကိုဗစ်-၁၉ရောဂါကာကွယ်ဆေး ရာနှုန်းပြည့် ထိုးနှံနိုင်ရေးစီမံချက်အရ ကိုဗစ်-၁၉ ရောဂါ ကာကွယ်ဆေးများကို မြေပြင်ကွင်းဆင်း ထိုးနှံပေးလျက်ရှိရာ ယနေ့နံနက်(၉:၀၀)နာရီအချိန်က ဌာနာရပ်ကွက်၊ အလုံခန်းမတွင် အသက် (၁၈)နှစ် အထက် ပြည်သူ(၁၀)ဦး အား Phrase-9 ပထမအကြိမ် (First Dose) ထိုးနှံခြင်းနှင့် (၉၉) ဦးတို့အား ဒုတိယအကြိမ် Phrase-8 (Second Dose) ထိုးနှံပေးလျက်ရှိကြောင်း သိရသည်။
ထိုသို့ကာကွယ်ဆေးထိုးနှံရာတွင် ကိုယ်အပူချိန်တိုင်းတာပေးခြင်း၊ သွေးပေါင်ချိန်တိုင်းတာပေးခြင်း၊ ကျန်းမာရေးစစ်ဆေးပေးခြင်းများ ဆောင်ရွက်ပေးပြီးမှ ကာကွယ်ဆေးများ ထိုးနှံပေးလျက်ရှိသည်။
ကာကွယ်ဆေး ထိုးနှံခြင်းလုပ်ငန်းများ အဆင်ပြေချောမွေ့စွာ ဆောင်ရွက်နိုင်ရေးအတွက် မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌ ဦးဆန်းထွန်းနှင့် အဖွဲ့ဝင်များ၊ မြို့နယ်ကိုဗစ်-၁၉ ရောဂါကာကွယ် ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီအဖွဲ့ဝင်များ၊ မြို့နယ် ကျန်းမာရေးဦးစီးဌာနမှ ဝန်ထမ်းများ၊ မြို့နယ်မီးသတ်တပ်ဖွဲ့၊ မြို့နယ်ကြက်ခြေနီ တပ်ဖွဲ့ဝင်များ၊ ပရဟိတအသင်းများ ပူးပေါင်း၍ ဝိုင်းဝန်းကူညီ ဆောင်ရွက်ပေးလျက် ရှိကြောင်း သိရသည်။
အလုံမြို့နယ်တွင် ကိုဗစ်-၁၉ ကာကွယ်ဆေး ပထမအကြိမ်ထိုးနှံပြီးသူ (၂၅၆၆၃)ဦး နှင့် ဒုတိယအကြိမ် ထိုးနှံပြီးသူ (၂၄၄၄၈) ဦးရှိပြီဖြစ်ပြီး ကာကွယ်ဆေးထိုးနှံခြင်းလုပ်ငန်းကို သတ်မှတ်ရက်များအလိုက် သက်ဆိုင်ရာရပ်ကွက်များသို့ ကွင်းဆင်းထိုးနှံပေးလျက်ရှိကြောင်း သတင်း ရရှိသည်။
သတင်း - တင်တင်ချို
မြန်မာနေရှင်နယ်ပို့စ်
No comments:
Post a Comment