MNP - ဧပြီ ၂၇
မွန်ပြည်နယ်၊ မော်လမြိုင်ခရိုင်၊ သံဖြူဇရပ်မြို့နယ်၌ သွေးလွန်တုပ်ကွေးရောဂါ မဖြစ်ပွားစေရေး အတွက် ကြိုတင်ကာကွယ်ရေး လုပ်ငန်းများကို ဧပြီ ၂၇ ရက်နံနက် ၇ နာရီမှစတင်ကာ မြို့နယ်အတွင်းရှိ မြို့ပေါ်ရပ်ကွက်များနှင့် ကျေးရွာများရှိအုပ်ချုပ်ရေးမှူး ရုံးစုရပ်များမှ စတင်ကာ ဆောင်ရွက် လျက်ရှိကြောင်းသိရသည်။
ထိုသို့ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မိုးလွင်နှင့် မမြို့နယ် ကျန်းမာရေးဦးစီးဌာနမှူး ဒေါက်တာမင်းသန့်ဇင်တို့မှ ဦးဆောင်၍ မြို့နယ်ကျန်းမာရေးဝန်ထမ်းများ၊ မီးသတ်တပ်ဖွဲ့ဝင်များ၊ ကြက်ခြေနီတပ်ဖွဲ့ဝင်များ၊ ရပ်ကွက်/ကျေးရွာ အုပ်ချုပ်ရေးမှူးများမှ ပူးပေါင်းကာ သွေးလွန်တုပ်ကွေးဖြစ်စေနိုင်သည့် ခြင်များမပေါက်ပွားစေရေးအတွက် တစ်အိမ်တက်ဆင်း ဖုန်၊ သွန်၊ လဲ၊ စစ်လုပ်ငန်းများ ဆောင်ရွက်ခြင်း၊ ရေတွင်းရေကန်များ၌ ခြင်များ မပေါက်ပွားစေရေးအတွက် အဘိတ်ဆေးခပ်ခြင်းများ ပြုလုပ်ခဲ့ကြောင်းသိရသည်။
သတင်း - အေးအေးသီ
မြန်မာနေရှင်နယ်ပို့စ်
No comments:
Post a Comment