MNP - ဧပြီ ၂၇
ပြည်ထောင်စုနယ်မြေ၊ နေပြည်တော်၊ လယ်ဝေးမြို့နယ်အတွင်း ရပ်ကွက်၊ ကျေးရွာများရှိ ဒေသခံပြည်သူများအား နံနက်ပိုင်းက မြို့နယ်အတွင်းရှိ သတ်မှတ်ဆေးထိုးစုရပ် နေရာအသီးသီးတွင် ကိုဗစ်-၁၉ ရောဂါ ကာကွယ်ဆေး ဆက်လက်ထိုးနှံပေးလျက်ရှိကြောင်း သိရသည်။
ကာကွယ်ဆေးထိုးနှံရာတွင် မြို့နယ်စီမံအုပ်ချုပ်ရေးအဖွဲ့မှ တာဝန်ရှိသူများမှကြီးကြပ်၍ ရပ်ကွက်၊ ကျေးရွာအုပ်ချုပ်ရေးမှူးများ၊ ကျန်းမာရေးဝန်ထမ်းများနှင့် တာဝန်ရှိသူများက မြို့နယ်အတွင်း ရပ်ကွက်၊ ကျေးရွာများရှိ အကြောင်းအမျိုးမျိုးကြောင့် ကိုဗစ်-၁၉ ရောဂါ ကာကွယ်ဆေး ပထမအကြိမ် မထိုးနှံရသေးသူများ၊ ဒုတိယအကြိမ်ထိုးနှံရန် သတ်မှတ်ရက်ပြည့်သူများနှင့် Booster Dose ထိုးနှံရန် သတ်မှတ်ရက်ပြည့်သူများအား မြို့ပေါ်ရပ်ကွက်များနှင့် ကျေးရွာများရှိ ဆေးထိုးစုရပ်နေရာ အသီးသီးတွင် ကိုဗစ်-၁၉ ရောဂါကာကွယ်ဆေးများ စနစ်တကျထိုးနှံ ဆောင်ရွက်ပေးလျက်ရှိကြောင်း သိရသည်။
လယ်ဝေးမြို့နယ်အနေဖြင့် ကိုဗစ်-၁၉ ကာကွယ်ဆေးထိုးနှံမှု တစ်မြို့နယ်လုံးလွှမ်းခြုံနိုင်စေရန်အတွက် ဆေးထိုးစုရပ် (၁၅)ခုတွင်ထိုးနှံပေးလျက်ရှိရာ ဧပြီ (၂၆) ရက်နေ့အထိ ကာကွယ်ဆေး ပထမအကြိမ်နှင့်ဒုတိယအကြိမ်တွင် (၂၉၈၀၃၂)ဦး ထိုးနှံပြီးစီးခဲ့ပြီး ထပ်ဆောင်းကာကွယ်ဆေးအဖြစ် Booster Dose ကို (၈၈၃၄)ဦးထိုးနှံပြီးစီးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment