MNP ၊ ဧပြီ ၆
မွန်ပြည်နယ်၊ကျိုက်ထို မြို့နယ်တွင် ၂၀၂၁- ၂၀၂၂ ပညာသင်နှစ် တက္ကသိုလ်ဝင်တန်းစာမေးပွဲ ဆဌမ မြောက်နေ့ အဖြစ် ဇီဝဗေဒ နှင့် ဘောဂဗေဒ ဘာသာရပ်များကို ဧပြီ (၆)ရက် နံနက် ၉ နာရီက စတင်၍ စာစစ်ဌာန (၆)ခု ၌ အေးချမ်းစွာဆက်လက် ဖြေဆိုလျက်ရှိကြောင်း သိရသည်။
ယနေ့ ဖြေဆိုလျက်ရှိသည့် ဇီဝဗေဒ ဘာသာရပ်၌ စာရင်းရှိ ကျောင်းသား/သူ (၂၁၀)ဦးတွင် ဖြေဆိုသူ(၂၀၀)ဦးနှင့် ဘောဂဗေဒ ဘာသာရပ်၌ စာရင်းရှိကျောင်းသား/သူ (၉၁၂)ဦးတွင် ဖြေဆိုသူ (၈၃၀)ဦး ရှိကြောင်း မြို့နယ်ပညာရေးမှူးရုံး မှ သိရှိရသည်။
ကျိုက်ထိုမြို့နယ်အတွင်းရှိ စာစစ်ဌာန(၆)ခုတွင် ကျောင်းသား/ကျောင်းသူများ စာမေးပွဲကို အေးချမ်းစွာဖြေဆိုနိုင်ရန် အတွက်မြို့နယ် စီမံအုပ်ချုပ်ရေးအဖွဲ့မှ တာဝန်ရှိသူများ၊မြို့နယ်အဆင့်ဌာနဆိုင်ရာများ၊ လူမှုရေးအသင်းအဖွဲ့များ၊ရပ်/ကျေးအုပ်ချုပ်ရေးမှူးများ က ပညာရေးဌာနမှ တာဝန်ရှိသူများနှင့် ပူးပေါင်းကာ လိုအပ်သည်များကို ကူညီ ဆောင်ရွက်ပေးလျက်ရှိကြောင်းသိရသည်။
သတင်း - ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment