MNP - ဧပြီ ၂၆
လားရှိုးမြို့၊ မြို့သာယာလှပရေးအတွက် လမ်းမကြီးများတစ်လျှာက် လမ်းဘေးဝဲ/ယာ စုပေါင်းသန့်ရှင်းရေးဆောင်ရွက်ခြင်းကို ယနေ့နံနက်(၁၀:၃၀)နာရီအချိန်က စတင်ဆောင်ရွက်ခဲ့ကြောင်းသိရသည်။
အဆိုပါ စုပေါင်းသန့်ရှင်းရေးဆောင်ရွက်ခြင်းများကို လားရှိုးမြို့နယ် စည်ပင်သာယာရေးဌာနက စက်ယန္တရားများဖြင့် ဆောင်ရွက်ခဲ့ပြီးလျှင် လားရှိုးမြို့ရှိဌာနဆိုင်ရာများ၊ အရှေ့မြောက်တိုင်း စစ်ဌာနချုပ် တပ်ရင်းတပ်ဖွဲ့များမှ အရာရှိ၊ တပ်ကြပ်၊ စစ်သည်များပါဝင်ဆောင်ရွက်ခဲ့ကြသည်။ စုပေါင်းသန့်ရှင်းရေးဆောင်ရွက်နေမှုများကို ပြည်နယ်စီမံအုပ်ချုပ်ရေးအဖွဲ့ခွဲ (ရှမ်း/မြောက်) ဥက္ကဋ္ဌ ဦးမျိုးကျော် ကြည့်ရှုအားပေးခဲ့သည်။
လားရှိုးမြို့နယ် စည်ပင်သာယာရေးဌာနအနေဖြင့်လည်း လားရှိုးမြို့တွင်းလမ်းမကြီးများတစ်လျှာက် လမ်းဘေး ဝဲ/ယာများတွင် အန္တရာယ်ရှိ သစ်ပင်သစ်ကိုင်းများကို နေ့စဉ်စက်ယန္တရား၊ လူအင်အားတို့ဖြင့် ရှင်းလင်းခုတ်ထွင်လျက်ရှိနေကြကြောင်းလည်းသိရသည်။
သတင်း - ဟန်ဌေး
မြန်မာနေရှင်နယ်ပို့စ်
No comments:
Post a Comment