MNP - ဧပြီ ၂၃
တနင်္သာရီတိုင်းဒေသကြီး၊ ကော့သောင်းခရိုင်၊ ခမောက်ကြီးမြို့တွင် စက်ရုံအလုပ်ရုံများ၌ ကာကွယ်ဆေးထိုးစုရပ်များအလိုက် ဒုတိယကြိမ်နှင့် ပထမကြိမ် ကိုဗစ်-၁၉ရောဂါကာကွယ် ဆေးများကို ယမန်နေ့က ထိုးနှံပေးခဲ့သည်။
အဆိုပါ ကာကွယ်ဆေးထိုးနှံကြရာတွင် ကော့သောင်းခရိုင် ပြည်သူ့ကျန်းမာရေးဌာနမှ ဆရာမကြီး ဒေါ်ခက်ခက်ဦးဆောင်သော ဆရာ၊ ဆရာမများက မတ်လ ၂၆ ရက်နေ့က ကာကွယ်ဆေး ပထမကြိမ် ထိုးနှံပြီးသူများအား (ဒုတိယကြိမ်) အဖြစ်အိန္ဒိယနိုင်ငံထုတ် Covaxin ကိုဗစ်ကာကွယ်ဆေး ထိုးနှံပေးခဲ့သည်။
ကာကွယ်ဆေး လုံးဝမထိုးနှံရသေးသူများအား(ပထမကြိမ်)အဖြစ် ထိုင်းနိုင်ငံထုတ် Astrazeneca ကိုဗစ်-၁၉ ကာကွယ်ဆေးအားလည်း ဆေးတစ်လုံးလျှင် လူ(၁၀)ဦးနှုန်းဖြင့် အသီးသီး ထိုးနှံပေးခဲ့သည်။
ထိုသို့ ကာကွယ်ဆေးထိုးခြင်း လုပ်ငန်းဆိုင်ရာ ကိစ္စရပ်များကို ခမောက်ကြီးမြို့ အထွေထွေ အုပ်ချုပ်ရေး ဦးစီးဌာနမှ ဝန်ထမ်းများ ပူးပေါင်းဆောင်ရွက် ပေးခဲ့ကြောင်း သိရသည်။
သတင်း - ရူပါမြင့်
မြန်မာနေရှင်နယ်ပိုစ့်
No comments:
Post a Comment