MNP ၊ ဧပြီ ၂၄
ရခိုင်ပြည်နယ်၊ သံတွဲခရိုင်၊ ဂွမြို့နယ်အတွင်း ကိုဗစ်-၁၉ရောဂါ ကာကွယ်ဆေး ရာခိုင်နှုန်းပြည့် ထိုးနှံပြီးစီးရေးအတွက် မြို့နယ် ကိုဗစ် ၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဥက္ကဋ္ဌ ဦးဇာနည်ကျော်၏ ဦးဆောင်ကြီးကြပ်မှုဖြင့်သက်ဆိုင်ရာအစုအဖွဲ့များခွဲ၍ ကိုဗစ်ကာကွယ်ဆေး ထိုးနှံရန်ကျန်ရှိသူများအား ထိုးနှံပေးလျက်ရှိရာ ယမန်နေ့က မြို့ပေါ်ရပ်ကွက်များနှင့် ကျေးရွာများသို့ ကွင်းဆင်း၍ ထိုးနှံပေးလျက်ရှိကြောင်းသိရသည်။
ထိုသို့ ကာကွယ်ဆေးထိုးနှံပေးရာတွင် ကိုဗစ်−၁၉ ရောဂါကာကွယ်ဆေး မထိုးနှံသေးရသည့် ပြည်သူများအား ဆေးထိုးနှံမှုများတွင် ကျန်ရစ်မှုမရှိစေရေးအတွက် သက်ဆိုင်ရာ အစုအဖွဲ့များအလိုက် သွားရောက်ကာ ပူးပေါင်း ကွင်းဆင်းစစ်ဆေး၍ ကောက်သင်းကောက်စနစ်ဖြင့် အိမ်တိုင်ရာရောက် ထိုးနှံပေးလျက်ရှိရာ ဂွမြို့ပေါ်ရပ်ကွက်၊ ကျိန္တလီမြို့ပေါ်ရပ်ကွက်နှင့် ဆပ်သွားကျေးရွာတို့ရှိ ပြည်သူ (၃၈၆)ဦးအား ကာကွယ်ဆေးများ ထိုးနှံ ပေးနိုင်ခဲ့ကြောင်းသိရသည်။
သတင်း - ရွှေရည်ဝင်းကျော်
https://t.me/MyanmarNationalPost
No comments:
Post a Comment