MNP - ဧပြီ ၂၇
ရန်ကုန်တိုင်းဒေသကြီး၊ အရှေ့ပိုင်းခရိုင်၊ ဒဂုံမြို့သစ်(အရှေ့ပိုင်း)မြို့နယ်ရှိ ပြည်သူများအား ကိုဗစ်-၁၉ရောဂါ ကာကွယ်ဆေး ထိုးနှံပေးရာတွင် အသက်(၁၅)နှစ်မှစတင်၍ ကာကွယ်ဆေး ထိုးနှံခြင်းကို (၇)ရပ်ကွက်ဒေသန္တရတွင် ယမန်နေ့နံနက် ၉ နာရီအချိန်၌ ဆက်လက် ထိုးနှံပေးလျက်ရှိသည်။
အဆိုပါ ကိုဗစ်-၁၉ ကာကွယ်ဆေးထိုးနှံရာ၌ မြို့နယ်စီမံအုပ်ရေးအဖွဲ့ဥက္ကဋ္ဌ ဦးမျိုးသူ၏ စီမံကွပ်ကဲမှုဖြင့် မြို့နယ်ကျန်းမာရေး ဦးစီးဌာနဝန်ထမ်းများ၊ သက်ဆိုင်ရာ ရပ်ကွက် အုပ်ချုပ်ရေးမှူးနှင့် အဖွဲ့ဝင်များ၊ ပရဟိတလူမှုရေးအသင်း အဖွဲ့များပူးပေါင်း၍
Mobile စနစ်ဖြင့်လည်း ထိုးနှံဆောင်ရွက်လျက်ရှိသည်။
ဒဂုံမြို့သစ်(အရှေ့ပိုင်း)မြို့နယ်တွင် ကိုဗစ်-၁၉ရောဂါ ကာကွယ်ဆေးထိုးနှံခြင်းကို ယမန်နေ့၌ အသက်၁၈နှစ်အထက် ပြည်သူ ပထမအကြိမ်နှင့် ဒုတိယအကြိမ်ထိုးနှံသူ ကျား(၄၅)ဦး၊ မ(၅၇)ဦး၊ အသက်၁၅နှစ်အထက် ပြည်သူ(၆)ဦး စုစုပေါင်း(၁၀၈)ဦးတို့အား ထိုးနှံပေးလျက်ရှိကြောင်း သတင်းရရှိသည်။
သတင်း - ဝင်းအိမွန်
မြန်မာနေရှင်နယ်ပို့စ်
No comments:
Post a Comment