MNP - ဧပြီ ၆
ရန်ကုန်တိုင်းဒေသကြီး၊ အရှေ့ပိုင်းခရိုင်၊ ဒဂုံမြို့သစ်(မြောက်ပိုင်း)မြို့နယ်အတွင်း၌ ကာကွယ်ဆေးထိုးနှံခြင်းကို ရဟန်းရှင်လူ ပြည်သူများအား သက်ဆိုင်ရာ ဦးတည်အုပ်စုများအား ကိုဗစ်-၁၉ရောဂါ ကာကွယ်ဆေး ထိုးနှံပေးလျက်ရှိပြီး ရာနှုန်းပြည့်ထိုးနှံပေးနိုင်ရေး ဆောင်ရွက် လျက်ရှိရာ ယနေ့နံနက် ၈ နာရီမှစတင်၍ အကြောင်းအမျိုးမျိုးကြောင့် ကာကွယ်ဆေးမထိုးနှံရသေးသည့် ပြည်သူများအား ရပ်ကွက်များအရောက် ကျန်းမာရေးဝန်ထမ်းများက လှည့်လည်ထိုးနှံပေးခဲ့ကြောင်း သိရသည်။
ဒဂုံမြို့သစ်(မြောက်ပိုင်း)မြို့နယ်အတွင်း ကိုဗစ်-၁၉ရောဂါ ဖြစ်ပွားမှုများကို ထိန်းချုပ်နိုင်ရန်နှင့် အိုမီခရွန်ဗိုင်းရပ်ကူးစက်မှုမှ ကာကွယ်နိုင်ရန် ကာကွယ်ဆေးမထိုးနှံရ သေးသည့် အသက်(၁၈) နှစ်နှင့်အထက်ပြည်သူများအား ပထမအကြိမ် ကိုဗစ်-၁၉ ရောဂါကာကွယ်ဆေး ထိုးနှံပေးခြင်း ကို ဧပြီ ၅ ရက်နေ့တွင် မြို့နယ်အတွင်း ရပ်ကွက်များအရောက် ကာကွယ်ဆေး လှည့်လည်ထိုးနှံပေးရာ (၄၁)တိုးချဲ့ရပ်ကွက်အတွင်းရှိ ပြည်သူ(၁၆၁)ဦး၊ (၄၂)ရပ်ကွက်အတွင်းရှိ ပြည်သူ(၁၃၂)ဦး၊ ဆေးထိုးစုရပ်တွင်ထိုးနှံသူ(၃၂)ဦးနှင့် တတိယအကြိမ်ထိုးနှံသူ(၁၀၂)ဦးတို့အား ကာကွယ်ဆေးများထိုးနှံပေးခဲ့ကြောင်း သတင်းရရှိသည်။
သတင်း - မြင့်မြင့်ရီ
မြန်မာနေရှင်နယ်ပို့စ်
No comments:
Post a Comment