သင်္ဃန်းကျွန်းမြို့နယ်တွင် ၂၀၂၁-၂၀၂၂ ပညာသင်နှစ်အတွက် အခြေခံပညာကျောင်းများအလိုက် အောင်စာရင်းများ ထုတ်ပြန်ရာတွင် ရာနှုန်းပြည့်အောင်မြင်

MNP - ဧပြီ   ၂၅

ရန်ကုန်တိုင်းဒေသကြီး၊ အရှေ့ပိုင်းခရိုင်၊ မသင်္ဃန်းကျွန်းမြို့နယ်တွင် ၂၀၂၁-၂၀၂၂ ပညာသင်နှစ်အတွက် အောင်စာရင်းများကို ယမန်နေ့၊ နံနက် ၆ နာရီမှစတင်၍ မြို့နယ်အတွင်းရှိ အခြေခံပညာကျောင်းများအလိုက် မြို့နယ်ပညာရေးမှူးရုံး၏ ကြီးကြပ်မှုဖြင့် ထုတ်ပြန်ကြေညာ ခဲ့ကြောင်း သိရသည်။

သင်္ဃန်းကျွန်းမြို့နယ်တွင် အထက်တန်းကျောင်း (၅) ကျောင်း၊ အထက်တန်းခွဲကျောင်း (၂) ကျောင်း၊ အလယ်တန်းကျောင်း (၅) ကျောင်း၊ မူလတန်းလွန်ကျောင်း (၅) ကျောင်း၊ မူလတန်းကျောင်း (၃၀) ကျောင်း၊ ဘုန်းတော်ကြီးသင်ကျောင်း (၆) ကျောင်းနှင့် ကိုယ်ပိုင်အထက်တန်း ကျောင်း (၁၃) ကျောင်း၊ စုစုပေါင်း (၆၆) ကျောင်းရှိရာ ၂၀၂၁-၂၀၂၂ ပညာသင်နှစ်တွင် စာမေးပွဲ ဝင်ရောက်ဖြေဆိုသူ KG၊ Grade-1၊ Grade-2၊ Grade-3၊ Grade-4၊ Grade-6၊ Grade-7၊ Grade-8(သင်ရိုးဟောင်း) ၊ Grade-9 (သင်ရိုးဟောင်း)၊  Grade (  10)  အထိ ကျောင်းသား/ ကျောင်းသူ (၇၉၈၉) ဦးရှိခဲ့ပြီး အောင်မြင်သူ (၇၉၈၉) ဦးရှိခဲ့သည့်အတွက် ၁၀၀ ရာခိုင်နှုန်း အောင်မြင်ကြောင်း မြို့နယ်ပညာရေးမှူး ဉီးသိန်းထွန်းထံမှ သိရသည်။

ထိုသို့ အောင်စာရင်းများ ထုတ်ပြန်ကြေညာရာ ကျောင်းများအလိုက် ဝင်ရောက်ဖြေဆိုခဲ့သည့် ကျောင်းသား / ကျောင်းသူများနှင့် မိဘပြည်သူ များက ယနေ့၊ နံနက် ၆ နာရီမှ စတင်၍ လာရောက်ကြည့်ရှုလျက်ရှိပြီး အဆင်ပြေချောမွေ့စွာ ကြည့်ရှုနိုင်ရေးအတွက် ဆရာ/ ဆရာမများနှင့် သက်ဆိုင်ရာတာဝန်ရှိသူများက ပူးပေါင်းဆောင်ရွက် ပေးလျက်ရှိကြောင်း သတင်းရသည်။

သတင်း - စန္ဒာမိုး

မြန်မာနေရှင်နယ်ပို့စ်